كەش قازاقستان ۋاقىتى بويىنشا ساعات 15:00-دە باستالادى
9 ساۋىردە سايتامادا (جاپونيا) قازاقستاندىق گەنناديي گولوۆكين (41-1-1، 36) مەن جاپونيالىق ريوتا مۋراتا (16-2، 13 كو) اراسىندا ورتا سالماقتاعى IBF/WBA Super تيتۋلدارى ساراپقا سالىناتىن كاسىپقوي بوكس كەشى وتەدى، دەپ حابارلايدى Almaty-akshamy.kz.
Prosports.kz پورتالىنىڭ مالىمەتىنشە، كەش قازاقستان ۋاقىتى بويىنشا ساعات 15:00-دە باستالادى، ال گولوۆكين – مۋراتا جەكپە-جەگى نۇر-سۇلتان ۋاقىتىمەن 18:10-دە وتەدى. دەگەنمەن جانكۇيەر قاۋىم تەلەديدار الدىنا ەرتەرەك جايعاسقانى ءجون، ويتكەنى اندەركاردتاعى كەيبىر جەكپە-جەك مەرزىمىنەن بۇرىن اياقتالۋى مۇمكىن.
سونىمەن قاتار، كەش اياسىندا الەم چەمپيونى اتاعى ساراپقا سالىناتىن تاعى ءبىر كەزدەسۋ وتەدى. جاپونيالىق دزيۋنتو (22-0، 17 كو) ەڭ جەڭىل سالماقتاعى WBO تۇجىرىمى بويىنشا الەم چەمپيونى اتاعىن وتانداسى ريوتا ياماۋچيگە (8-1، 7 كو) قارسى قورعايدى.
سايتاماداعى بوكس كەشىن Qazsport جانە Qazaqstan ارنالارى تىكەلەي ەفيردە كورسەتەدى. جەكپە-جەكتى Qazaqstan TV ءموبيلدى قوسىمشاسىنان دا كورە الاسىز.