بۇگىن فۋتبولدان قازاقستان پرەمەر-ليگاسىنىڭ سەگىزىنشى تۋرى باستالادى، دەپ حابارلايدى almaty-akshamy.kz.
بۇگىن سەگىزىنشى تۋردىڭ ءۇش ويىنى وتكىزىلەدى.
الدىمەن 17:00–دە «اتىراۋ» مەن «استانا» جاسىل الاڭعا شىعادى.
ودان كەيىن 19:00–دە «اقتوبە» مەن «ورداباسى» (شىمكەنت)، 21.00-دە «قايسار» (قىزىلوردا) مەن «جەڭىس» (استانا) شەبەرلىك بايقاسادى.
ال 19 مامىردا 17:00–دە «شاحتەر» (قاارعاندى) مەن «توبىل» (قوستاناي)، «جەتىسۋ» (تالدىقورعان) مەن «قىزىلجار» (پەتروپاۆل) وينايدى.
اتالعان تۋردى 21.00-دە «ەلىماي» (سەمەي) مەن «قايرات» (الماتى) كوماندالارى تۇيىندەيدى.
بۇل تۋردىڭ ويىندارىن «Qazsport»، «Q Football»، «Q Arena» تەلەارنالارى مەن QFL.KZ سايتىندا تاماشالاۋعا بولادى.
ايتا كەتسەك، جەتى تۋردان كەيىن 14 ۇپايمەن «اقتوبە»، «ەلىماي» مەن «قايرات» ۇزدىك ۇشتىكتە كەلەدى.
سۇرمەرگەندەر ساپىندا يدريس ۋمايەۆ («اقتوبە»)، ماكسيم سامورودوۆ («اقتوبە») جانە ەۆگەنيي بەرەزكين («قىزىلجار») ءتورت گول سوعىپ، كوش باسىندا تۇر.