قازگيدرومەت ەل اۋماعىندا 3 قىركۇيەكتە بولاتىن ءقاۋىپتى مەتەورولوگيالىق قۇبىلىستارعا بولجام جاسادى
اتموسفەرالىق فرونتالدى بولىمدەردىڭ وتۋىنە بايلانىستى ەلىمىزدىڭ باسىم بولىگىندە تۇراقسىز اۋا رايى ساقتالادى، جاڭبىر جاۋادى، ەلىمىزدىڭ سولتۇستىگىندە قاتتى جاڭبىر جاۋادى. تەك ەلىمىزدىڭ باتىسىندا اشىق، جاۋىن-شاشىنسىز اۋا رايى كۇتىلەدى. رەسپۋبليكا بويىنشا نايزاعاي ويناپ، ەكپىندى جەل سوعىپ، بۇرشاق تۇسەدى. ق ر سولتۇستىك-باتىسىندا، سولتۇستىگىندە تۇمان بولادى.
«جامبىل وبلىسىندا، قىزىلوردا وبلىسىنىڭ شىعىسىندا، وڭتۇستىگىندە، ورتالىعىندا، اتىراۋ وبلىسىنىڭ سولتۇستىك-باتىسىندا، سولتۇستىك-شىعىسىندا، وڭتۇستىگىندە، اقتوبە وبلىسىنىڭ باتىسىندا، باتىس قازاقستان وبلىسىنىڭ وڭتۇستىك-باتىسىندا، سولتۇستىك-باتىسىندا، سولتۇستىگىندە، شىعىسىندا توتەنشە ءورت ءقاۋىپى ساقاتالادى.
باتىس قازاقستان وبلىسىنىڭ ورتالىعىندا، وڭتۇستىگىندە، پاۆلودار، قاراعاندى وبلىستارىنىڭ وڭتۇستىگىندە، ۇلىتاۋ وبلىسىندا جوعارى ءورت ءقاۋپى بار»، - دەپ جازدى سينوپتيكتەر.