بۇگىن ەلىمىزدىڭ 15 وبلىسىندا داۋىلدى ەسكەرتۋ جاريالاندى، دەپ حابارلايدى almaty-akshamy.kz «قازگيدرومەت» رمك-گە سىلتەمە جاساپ.
كۇندىز اقمولا وبلىسىنىڭ باتىسىندا، سولتۇستىگىندە جانە وڭتۇستىگىندە نايزاعاي ويناپ، بۇرشاق جاۋۋى مۇمكىن. وڭتۇستىك-باتىستان سوعاتىن جەل تۇندە وبلىستىڭ باتىسىندا، سولتۇستىگىندە، وڭتۇستىگىندە 15-20 م/س، كۇندىز 15-20، وبلىستىڭ باتىسىندا، سولتۇستىگىندە ەكپىنى 23-28 م/س. كوكشەتاۋدا كۇندىز نايزاعاي كۇتىلەدى. وڭتۇستىك-باتىستان سوعاتىن جەل ەكپىنى 15-20، كۇندىز كەي ۋاقىتتا 25 م/س.
الماتى وبلىسى مەن الماتى قالاسىنىڭ تاۋلى جانە تاۋ بوكتەرىندەگى اۋداندارىندا نايزاعاي ويناپ، بۇرشاق جاۋۋى مۇمكىن. سولتۇستىك-شىعىستان جەل سوعادى، جەلدىڭ ەكپىنى 17-22 م/س.
كۇندىز ۇلىتاۋ وبلىسىنىڭ باتىسىندا، سولتۇستىگىندە جانە ورتالىعىندا نايزاعاي وينايدى. وبلىس ورتالىعىندا جەلدىڭ ەكپىنى 15-20 م/س، كۇندىز وبلىستىڭ باتىسىندا 23 م/س. وبلىس ورتالىعىندا جوعارى ءورت ءقاۋپى ساقتالادى. جەزقازعاندا كۇندىز نايزاعاي كۇتىلەدى.
قاراعاندى وبلىسىندا وڭتۇستىكتەن جەل سوعادى، كۇندىز وبلىستىڭ باتىسىندا جانە سولتۇستىگىندە ەكپىنى 15-20 م/س بولادى. وبلىستىڭ باتىسى مەن وڭتۇستىگىندە ءالى دە جوعارى ءورت ءقاۋپى ساقتالادى.
كۇندىز اقتوبە وبلىسىنىڭ وڭتۇستىگىندە جانە شىعىسىندا نايزاعاي ويناپ، كۇندىز بۇرشاق جاۋۋى مۇمكىن. وڭتۇستىك-شىعىستان سوعاتىن جەل سولتۇستىككە اۋىسىپ، وڭتۇستىكتە، شىعىستا، وبلىس ورتالىعىندا ەكپىنى 15-20 م/س جەتەدى. وبلىستىڭ شەتكى وڭتۇستىگىندە جوعارى ءورت ءقاۋپى ساقتالادى.
باتىس قازاقستان وبلىسىنىڭ سولتۇستىگى مەن شىعىسىندا تۇندە نايزاعاي كۇتىلەدى. سولتۇستىك-شىعىستان جەل سوعادى، وبلىستىڭ باتىسىندا، سولتۇستىگىندە، شىعىسىندا ەكپىنى 15-20 م/س. وبلىستىڭ باتىسىندا، وڭتۇستىگىندە جانە ورتالىعىندا جوعارى ءورت ءقاۋپى ساقتالادى. ورالدا تۇندە نايزاعاي وينايدى. سولتۇستىك-شىعىستان جەل سوعادى، ەكپىنى 18 م/س.
شىعىس قازاقستان وبلىسىنىڭ شىعىسىندا تۇندە جانە تاڭەرتەڭ تۇمان تۇسەدى. شىعىس قازاقستان وبلىسىنىڭ وڭتۇستىك-شىعىسىندا جوعارى ءورت ءقاۋپى ساقتالادى.
تۇندە اباي اۋدانىنىڭ وڭتۇستىك-باتىسىندا سولتۇستىك، سولتۇستىك-شىعىستان 15-18 م/س جەل سوعادى. وبلىستىڭ وڭتۇستىگىندە جوعارى ءورت ءقاۋپى ساقتالادى.
تۇركىستان وبلىسىنىڭ شولەيت ايماقتارىندا وتە جوعارى ءورت ءقاۋپى ساقتالادى.
ماڭعىستاۋ وبلىسىنىڭ باتىسىندا، سولتۇستىگىندە جانە شىعىسىندا نايزاعاي ويناپ، بۇرشاق جاۋۋى مۇمكىن. سولتۇستىك-باتىستان، سولتۇستىكتەن جەل سوعادى، وبلىستىڭ باتىسىندا جانە وڭتۇستىك-شىعىسىندا ەكپىنى 15-20 م/س. اقتاۋدا كەي جەرلەردە نايزاعاي وينايدى.
كۇندىز سولتۇستىك قازاقستان وبلىسىنىڭ باتىسىندا جانە سولتۇستىگىندە قاتتى جاڭبىر، بۇرشاق جاۋادى، نايزاعاي وينايدى. وڭتۇستىك-باتىستان سوعاتىن جەلدىڭ كۇشى 15-20، كۇندىز ەكپىنى 23-28 م/س. پەتروپاۆلدا كۇندىز نايزاعاي ويناپ، بۇرشاق جاۋۋى مۇمكىن. وڭتۇستىك-باتىستان سوعاتىن جەلدىڭ كۇشى 15-20، كۇندىز ەكپىنى 23-28 م/س.
تاڭەرتەڭ جانە كۇندىز قىزىلوردا وبلىسىنىڭ ورتالىعىندا نايزاعاي كۇتىلەدى. جەل وڭتۇستىك-شىعىستان، وڭتۇستىكتەن، باتىستان، وبلىس ورتالىعىندا 15-20 م/س دەيىن سوعادى. وبلىستىڭ باتىسىندا – قازالى اۋدانىندا جوعارى ءورت ءقاۋپى ساقتالادى.
اتىراۋ وبلىسىنىڭ سولتۇستىگى مەن شىعىسىندا تۇندە نايزاعاي كۇتىلەدى. جەل سولتۇستىك-باتىستان، سولتۇستىكتەن، باتىستان، وڭتۇستىكتەن 15-20 م/س. وبلىستىڭ باتىسىندا ءالى دە جوعارى ءورت ءقاۋپى ساقتالادى. اتىراۋدا سولتۇستىك-باتىستان، سولتۇستىكتەن جەل سوعادى، تۇندە ەكپىنى 15-18 م/س بولادى.
كۇندىز پاۆلودار وبلىسىنىڭ باتىسىندا جانە سولتۇستىگىندە وڭتۇستىكتەن جەل سوعادى، ەكپىنى 15-20 م/س بولادى.
تۇندە جانە كۇندىز قوستاناي وبلىسىنىڭ باتىسىندا، سولتۇستىگىندە جانە شىعىسىندا نايزاعاي وينايدى، بۇرشاق جاۋۋى مۇمكىن. وڭتۇستىك-باتىستان سوعاتىن جەل تۇندە ەكپىنى 15-20 م/س، كۇندىز 15-20، وبلىستىڭ شىعىسى مەن وڭتۇستىگىندە ەكپىنى 23-28 م/س. قوستاناي وبلىسىنىڭ وڭتۇستىگىندە جوعارى ءورت ءقاۋپى ساقتالادى. قوستانايدا نايزاعاي كۇتىلەدى.