بۇگىن ەلىمىزدە اۋا رايى قانداي؟

قازگيدرومەت بىرنەشە وڭىردە اۋا-رايىنا بايلانىستى ەسكەرتۋ جاسادى.

ەلدىڭ كەي اۋماعىندا جاڭبىر جاۋادى، ءبىرقاتار وبلىستاردا كۇننىڭ ىستىعىنان ءورت ءقاۋپى بار، دەپ حابارلايدى Almaty-akshamy.kz

قازگيدرومەت سينوپتيكتەرى 3 شىلدە، دۇيسەنبىگە ارنالعان اۋا رايى بولجامىن جاريالادى.

اتموسفەرالىق فرونتتاردىڭ اسەرىنەن قازاقستان اۋماعىنىڭ باسىم بولىگىندە نايزاعاي ويناپ، جاڭبىر جاۋادى، سولتۇستىك-باتىستا قاتتى جاڭبىر بولادى.

ەلدىڭ باتىسىندا، وڭتۇستىك-باتىسىندا، شىعىسىندا، سولتۇستىك-شىعىسىندا نەگىزىنەن جاۋىن-شاشىنسىز اۋا رايى ساقتالادى.

رەسپۋبليكا بويىنشا جەل كۇشەيەدى، وڭتۇستىگىندە شاڭدى داۋىل، كۇندىز سولتۇستىك-باتىستا بۇرشاق، داۋىل، تۇندە جانە تاڭەرتەڭ سولتۇستىكتە، وڭتۇستىك-باتىستا تۇمان بولادى.

الماتى، اتىراۋ، پاۆلودار، سولتۇستىك قازاقستان، اقمولا، جەتىسۋ وبلىستارىنىڭ باسىم بولىگىندە، قاراعاندى، ۇلىتاۋ وبلىستارىنىڭ وڭتۇستىگىندە - اپتاپ ىستىق.

تۇركىستان، ماڭعىستاۋ، جامبىل وبلىستارىنىڭ باسىم بولىگىندە، اقتوبە، قاراعاندى، قوستاناي، الماتى، ۇلىتاۋ، جەتىسۋ وبلىستارىنىڭ وڭتۇستىگىندە جانە قىزىلوردا وبلىسىنىڭ باتىسىندا، شىعىسىندا، اتىراۋ وبلىسىنىڭ باتىسىندا، پاۆلودار وبلىسىنىڭ سولتۇستىگىندە توتەنشە ءورت ءقاۋپى كۇتىلەدى.

قىزىلوردا وبلىسىنىڭ ورتالىعىندا، باتىس قازاقستان وبلىسىنىڭ باتىسىندا، اباي وبلىسىنىڭ سولتۇستىك-باتىسىندا، وڭتۇستىگىندە، الماتى، سولتۇستىك قازاقستان وبلىستارىنىڭ باسىم بولىگىندە جانە جەتىسۋ وبلىسىندا ءورت ءقاۋپى جوعارى بولادى.