قازگيدرومەت سينوپتيكتەرى 31 شىلدەگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستاننىڭ شىعىسىنا قاراي ىعىسقان وڭتۇستىك سيكلون جانە ونىمەن بايلانىستى اتموسفەرالىق فرونتتار بۇرىنعىسىنشا قازاقستاننىڭ بۇكىل اۋماعىنا ءوز اسەرىن تيگىزەدى.
وسىعان بايلانىستى جاڭبىر جاۋادى، ەلدىڭ سولتۇستىگىندە، شىعىسىندا، ورتالىعىندا، وڭتۇستىك پەن وڭتۇستىك-شىعىستىڭ تاۋلى اۋداندارىندا نوسەر جاڭبىر جاۋىپ، داۋىل تۇرادى. نايزاعاي جارقىلدايدى، بۇرشاق جاۋىپ، جەل كۇشەيەدى.
تۇندە جانە تاڭەرتەڭ رەسپۋبليكانىڭ سولتۇستىگىندە، سولتۇستىك-باتىسىندا تۇمان تۇسەدى. پاۆلودار وبلىسىنىڭ وڭتۇستىگىندە، شىعىسىندا، قاراعاندى وبلىسىنىڭ سولتۇستىگىندە، جامبىل وبلىسىنىڭ تاۋلى اۋداندارىندا، تۇندە اقمولا وبلىسىنىڭ وڭتۇستىگىندە، شىعىسىندا، الماتى وبلىسىنىڭ وڭتۇستىگىندە جانە تاۋلى اۋداندارىندا قاتتى جاڭبىر جاۋادى.
تۇركىستان، قىزىلوردا، جەتىسۋ، الماتى وبلىستارىنىڭ باسىم بولىگىندە، اباي وبلىسىنىڭ وڭتۇستىگىندە، جامبىل وبلىسىنىڭ باتىسىندا توتەنشە ءورت ءقاۋپى ساقتالادى.