2023 جىلدىڭ 16 قازانىنان بەرى دۇنيەجۇزىلىك نان كۇنى اتاپ وتىلەدى، بۇل 2006 جىلى حالىقارالىق ناۋبايشىلار مەن كونديتەرلەر وداعىنىڭ باستاماسى بويىنشا قۇرىلعان مەرەكە. بۇل كۇن ناننىڭ نەگىزگى تاعام ونىمدەرى رەتىندە ماڭىزدىلىعىن كورسەتىپ، ءتۇرلى مادەنيەتتەر مەن داستۇرلەردى بىرىكتىرەدى.
مۇنداي اقپاراتتى اۋىل شارۋاشىلىعى مينيسترلىگى مالىمدەدى، دەپ حابارلايدى aqshamnews.kz.
بۇل كۇننىڭ تاڭدالۋى كەزدەيسوقتىق ەمەس: 1945 جىلدىڭ 16 قازانىندا بۇۇ-نىڭ اۋىلشارۋاشىلىق ۇيىمى مەن ازىق-تۇلىك ۇيىمى قۇرىلدى، ول اۋىل شارۋاشىلىعىن دامىتۋمەن جانە گلوبالدى دەڭگەيدە ازىق-تۇلىك قاۋىپسىزدىگىن قامتاماسىز ەتۋمەن بايلانىستى پروبلەمالاردىڭ شەشىمىندە كىلتتىك ءرول اتقارادى.
2019 جىلدىڭ قىركۇيەك ايىنان باستاپ دۇنيەجۇزىلىك نان كۇنى قازاقستاندا دا اتاپ وتىلەدى. بۇل شەشىم قازاقستاندىق ناۋبايشىلار، ۇن تارتۋشىلار مەن نان پىسىرەتىندەردىڭ ەڭبەگىنە شىنايى قۇرمەت پەن تانۋدىڭ كورىنىسى بولدى. بەلگىلەنگەن مەرەكەلىك كۇن قازاقستاندا استىق جانە نان ونىمدەرىنىڭ جوعارى ستاندارتتارى مەن مارتەبەسىن نىعايتۋعا قىزمەت ەتەدى.
2024 جىلدىڭ قاڭتار-ماۋسىمىندا قازاقستان 494،1 ملن اقش دوللارىنا 2،4 ملن توننا بيداي مەن مەسلين ەكسپورتتادى.
ەكسپورتتىڭ جالپى كولەمىنەن نەگىزگى ۇلەسى وزبەكستان، تاجىكستان، تۇرىكمەنستان، جۇڭگو، اۋعانستانعا تيەسىلى.
بۇگىنگى تاڭدا قازاقستاندىق اگرارشىلار 19،2 ملن توننا بيداي جينادى.
ۇن تارتۋ سالاسىندا جالپى قۋاتتىلىعى جىلىنا 9،1 ملن توننا استىق وندىرەتىن 270-كە جۋىق كاسىپورىن ىسكە قوسىلدى.
وتاندىق ۇن ءوندىرىسىنىڭ كولەمى ەلدىڭ ىشكى تۇتىنۋىنان 2 ەسە دەرلىك اسىپ تۇسەدى جانە ەكسپورتتىق جەتكىزىلىم كولەمى بويىنشا الەمدە جەتەكشى ورىنعا يە.
نان ءوندىرىسى ەلىمىزدىڭ ىشكى نارىعىن تولىق قامتاماسىز ەتەدى. نان وندىرۋشىلەر حالىقتىڭ نانعا دەگەن قاجەتتىلىگىن قاناعاتتاندىرۋمەن قاتار، نارىقتاعى سۇرانىسقا بايلانىستى شىعارىلاتىن ءونىم اسسورتيمەنتىن كەڭەيتۋ بويىنشا دا بەلسەندى جۇمىس ىستەۋدە: بۇل نەگىزىنەن نان-توقاش، كونديتەرلىك ونىمدەر، قىسقا جانە ۇزاق ساقتالاتىن ۇننان جاسالعان ونىمدەر.
ق ر اگروونەركاسىپتىك كەشەنىن دامىتۋدىڭ 2021 – 2030 جىلدارعا ارنالعان تۇجىرىمداماسى شەڭبەرىندە استىق وڭدەۋ سالاسىنىڭ باسەكەگە قابىلەتتىلىگىن ارتتىرۋ ءۇشىن اۋىل شارۋاشىلىعى ونىمدەرىن وڭدەۋمەن اينالىساتىن اوك سۋبەكتىلەرى (ونىڭ ىشىندە ۇن جانە نان وندىرۋشىلەر) ءۇشىن اينالىم قاراجاتىن تولىقتىرۋعا جەڭىلدىكتى كرەديتتەر بەرۋمەن مەملەكەتتىك قولداۋ شارالارى كوزدەلەدى.