سپورتشى بار بولعانى 25 جاسىندا كىسى قولىنان ولگەن ەدى.
التى جىل بۇرىن ءدال وسى كۇنى دەنيس تەن كوز جۇمعان ەدى، دەپ حابارلايدى Almaty-akshamy.kz
بلوگەر الەكساندر سوي سپورتشىنىڭ ولگەن كۇنى تۋرالى ءوزىنىڭ Facebook پاراقشاسىنا ەستەلىك جازدى.
«سول ساتتە مەگا پاركتە جۇرگەن ەدىم. سۇمدىق حاباردى ەستىگەننەن كەيىن بۇكىل ويىن-ساۋىق ورتالىعىندا مۋزىكا توقتادى، دۇكەندەردىڭ جارىعى ءوشتى، ادامدار سول جەردە جىلاپ جاتتى… دەنيس مەيىرىم مەن ەڭبەكقورلىقتىڭ، تالانتتىڭ جارشىسى ەدى. كەنەتتەن ول جوق بولىپ كەتتى. مەن ءالى كۇنگە دەيىن بۇل قازاعا سەنە المايمىن. ءبىر قالجىڭباستىڭ ءساتسىز ءازىلى سياقتى كورىنەدى. «دوستار، مەن ەشقايدا كەتپەدىم. سەندەرگە ايتار جاڭالىعىم كوپ» دەپ كىرىپ كەلەتىن سياقتى. «دەنيس، ءبىزدىڭ مۇندا نە ويلاعانىمىزدى بىلمەيسىڭ عوي!» دەپ جامىراي قارسى الامىز، سوسىن بۇكىل قايعى سەيىلەتىن سياقتى. دەنيس بۇل الەمگە قايتادان جارىق ساۋلە، ۇيلەسىم، سۇيكىم مەن ماحاببات اكەلۋىن جالعاستىرا تۇسەدى. ءبىراق بۇلاي بولمايدى… كەشىر ءبىزدى، چەمپيون!»
دەنيس تەن – مۇز ۇستىندە مانەرلەپ سىرعاناۋدان قازاقستاننىڭ اتىن العاش الەمگە تانىتقان جارىق جۇلدىز ەدى. 2014 جىلى مانەرلەپ سىرعاناۋدان سوچي وليمپياداسىنىڭ قولا جۇلدەگەرى اتانىپ، 2013 جىلعى الەم چەمپيوناتىندا كۇمىس مەدالعا يە بولدى. VII قىسقى ازيا ويىندارىندا مانەرلەپ سىرعاناۋدان چەمپيون اتانعان. قازاقستاننىڭ ءۇش دۇركىن چەمپيونى. قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.
سپورتشىنى 2018 جىلى 19 شىلدەدە الماتىدا پىشاقتاپ، ءولتىرىپ كەتتى.