"قازگيدرومەت" رمك 23 قازاندا ەلدىڭ 11 وڭىرىندە قولايسىز اۋا رايىنا بايلانىستى ەسكەرتۋ جاسادى
ماڭعىستاۋ وبلىسىنىڭ سولتۇستىگىندە، شىعىسىندا تۇمان تۇسەدى.
قاراعاندى وبلىسىنىڭ سولتۇستىگىندە، شىعىسىندا تۇمان، كوكتايعاق بولادى. باتىستان، سولتۇستىك-باتىستان جەل سوعادى، تۇندە كۇشى 15-20، كەي ۋاقىتتا ەكپىنى 25 م/س، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س-كە جەتەدى.
ۇلىتاۋ وبلىسىندا تۇمان، كوكتايعاق بولادى. سولتۇستىك-باتىستان جەل سوعادى، تۇندە كۇشى 15-20 م/س-كە جەتەدى.
اقتوبە وبلىسىنىڭ باتىسىندا، سولتۇستىگىندە تۇمان.
اباي وبلىسىندا وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى 15-20، وبلىستىڭ سولتۇستىگىندە، باتىسىندا، ورتالىعىندا ەكپىنى 23-28 م/س بولادى.
پاۆلودار وبلىسىندا جاۋىن-شاشىن، كۇندىز وبلىستىڭ سولتۇستىك جارتىسىندا ازداعان جاۋىن-شاشىن (جاڭبىر، قار). وبلىستىڭ باسىم بولگىندە كوكتايعاق بولادى. وڭتۇستىك-باتىستان، باتىستان جەل سوعادى 15-20، ەكپىنى 23-28 م/س-كە جەتەدى.
قوستاناي وبلىسىنىڭ باتىسىندا، سولتۇستىگىندە تۇمان تۇسەدى. سولتۇستىك-باتىستان سوعاتىن جەل وڭتۇستىك-باتىسقا اۋىسادى، كۇشى 9-14، وبلىستىڭ سولتۇستىگىندە، شىعىسىندا ەكپىنى 15-20 م/س بولادى.
شىعىس قازاقستان وبلىسىنىڭ شىعىسىندا قاتتى جاۋىن-شاشىن (جاڭبىر، قار)، كوكتايعاق كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى 15-20، وبلىستىڭ سولتۇستىگىندە، شىعىسىندا، وڭتۇستىگىندە ەكپىنى 23-28 م/س.
سولتۇستىك قازاقستان وبلىسىنىڭ سولتۇستىگىندە، شىعىسىندا جاۋىن-شاشىن (جاڭبىردىڭ سوڭى قارعا ۇلاسادى)، كۇندىز وبلىستىڭ شىعىسىندا ازداعان قار جاۋادى. وبلىستىڭ سولتۇستىگىندە، شىعىسىندا كوكتايعاق بولادى. سولتۇستىك-باتىستان سوعاتىن جەل وڭتۇستىك-باتىسقا اۋىسادى، وبلىستىڭ باسىم بولىگىندە 15-20، ەكپىنى 23-28 م/س-كە جەتەدى.
تۇركىستان وبلىسىنىڭ تاۋلى اۋداندارىندا نوسەر جاڭبىر جاۋادى. سولتۇستىك-باتىستان جەل سوعادى، وبلىستىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋداندارىندا كۇشى 15-20، ەكپىنى 23 م/س بولادى.
شىمكەنتتە سولتۇستىك-باتىستان جەل سوعادى، ەكپىنى 15-20، كەي ۋاقىتتا 23 م/س-كە دەيىن جەتەدى.