استانادا مساك بويىنشا الماتى دەكلاراسياسىنىڭ 45 جىلدىق مەرەيتويىنا، مساك بويىنشا استانا دەكلاراسياسىنىڭ 5 جىلدىق مەرەيتويىنا، ددۇ-نىڭ 75 جىلدىق مەرەيتويىنا ارنالعان مساك بويىنشا جاھاندىق كونفەرەنسيا وتكىزۋ شەڭبەرىندە بوتانيكالىق باقتا «سوزدەن ىسكە/ Walk the talk/ وت سلوۆ ك دەلۋ» ۇرانىمەن قىسقا قاشىقتىققا جۇگىرۋ ءداستۇرلى اكسياسى ءوتتى، دەپ حابارلايدى almaty-akshamy.kz
بۇگىنگى جارىسقا قاتىسۋ ءۇشىن 800-دەن استام ادام تىركەلدى، ولاردىڭ ىشىندە ءبىرىنشى قاتاردا دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس، ددۇ ەۋروپالىق وڭىرلىك بيۋروسىنىڭ ديرەكتورى حانس كليۋگە، ق ر دەنساۋلىق ساقتاۋ ءمينيسترى اجار عينيات، ەلوردالىق دەنساۋلىق ساقتاۋ ۇيىمدارىنىڭ مەديسينا قىزمەتكەرلەرى، استانا مەديسينا ۋنيۆەرسيتەتىنىڭ ستۋدەنتتەرى، ءارتۇرلى سپورت تۇرلەرىنەن وليمپيادا چەمپيوندارى جانە بەلسەندى ءومىر سالتىن ۇستاناتىن، سپورتپەن شۇعىلداناتىن قالا تۇرعىندارى بار.
ءىس-شارانى اشقان ق ر دەنساۋلىق ساقتاۋ مينيسترلىگىنىڭ باسشىسى الەمنىڭ 80 ەلىنەن كەلگەن دەلەگاسيالاردىڭ قاتىسۋىمەن وتەتىن مساك جونىندەگى جاھاندىق كونفەرەنسيا سياقتى ماڭىزدى وقيعالار قارساڭىندا ددۇ كەز كەلگەن ەلدە سالاماتتى ءومىر سالتىن ۇستانۋدىڭ ەڭ جاقسى كورىنىسى بولعان وسىنداي دەنساۋلىق مارافوندارىن وتكىزەتىنىن اتاپ ءوتتى.
دوكتور تەدروس گەبرەيەسۋس جارىسقا قاتىسۋشىلاردى دا قۇتتىقتاپ، مساك-تىڭ ادامداردىڭ دەنساۋلىعىن جاقسارتۋداعى ەرەكشە ءرولىن اتاپ ءوتتى.
«2018 جىلى ءبىز وسىنداي ءىس-شارا وتكىزدىك، الماتى دەكلاراسياسىنىڭ 40 جىلدىعىن اتاپ وتتىك جانە وسى جەردە مەن وسى ساياباقتا ءسوز سويلەدىم، اعاشتاردىڭ وسكەنىن كورگەنىمە وتە قۋانىشتىمىن! استانا دەكلاراسياسىن قولداۋدىڭ، ىلگەرىلەتۋدىڭ ارقاسىندا سوڭعى 5 جىلدا مەديسينالىق-سانيتاريالىق العاشقى كومەك تە ءوزىنىڭ دامۋى مەن نىعايۋىنا يە بولدى. ءبىزدىڭ وسىندا بولۋىمىزدىڭ ماقساتى بىرەۋ – بۇل مارافوننىڭ ماقساتى – سوزدەن ىسكە، ءبىر جالعىز ماقسات - بارلىعىنا دەنساۋلىق ساقتاۋدى ىلگەرىلەتۋ، دەنساۋلىق ساقتاۋ قىزمەتتەرىمەن جالپىعا بىردەي قامتۋدى قامتاماسىز ەتۋ»، - دەدى دوكتور گەبرەيەسۋس بوتانيكالىق باقتا جارىس باستالار الدىندا سويلەگەن سوزىندە.
ددۇ باسشىسى بارلىق قازاقستاندىقتارعا جامان ادەتتەردەن ارىلۋعا، الكوگول مەن تەمەكى شەگۋگە قارسى تۇرۋعا، فيزيكالىق بەلسەندى بولۋدى ۇسىندى.
ددۇ ەۋروپالىق ءوفيسىنىڭ ديرەكتورى دوكتور حانس كليۋگە: «بۇل ومىردەگى ەڭ جاقسى كورەتىن نارسە - مەديسينالىق وقۋ ورىندارىنىڭ ستۋدەنتتەرىمەن اڭگىمەلەسۋ، ال ەكىنشىسى - فيزيكالىق بەلسەندىلىك، ءسىز ءقازىر ماعان وسى مۇمكىندىكتەردى بەرەسىز، بۇل جاھاندىق كونفەرەنسيانىڭ وتە شابىتتاندىراتىن باستاماسى»، - دەپ مويىندادى.
«بىرنەشە اپتا بۇرىن سىزدەردىڭ مينيسترلەرىڭىز نيۋ-يوركتە وتكەن بۇۇ باس اسسامبلەياسىنىڭ شەڭبەرىندە ماڭىزدى سەسسيالاردىڭ ءبىرىن وتكىزدى. ءسىز وتە جاقسى اسەر قالدىردىڭىز، بارلىق دەلەگاسيالار ءسىزدىڭ كوشباسشىلىق قابىلەتتەرىڭىزدى اتاپ ءوتتى»،-دەپ مويىندادى مالتا پرەمەر-مينيسترىنىڭ ورىنباسارى جانە دەنساۋلىق ساقتاۋ ءمينيسترى كريستوفەر فيرن (سhristopher Fearne).
«وسى دەمالىس كۇندەرى مەنىڭ مالتا ەلىمدە مەديسينالىق تەحنولوگيالار بويىنشا دۇنيەجۇزىلىك كونفەرەنسيا ءوتتى. كەشە استاناعا ۇشقانىمدا، مەنىڭ جانىمدا شۆەسيادان كەلگەن قىز ۇشاقتا وتىردى، ول دا مالتاعا كوپبەيىندى كونفەرەنسياعا ۇشىپ كەلدى. ول جاساندى جۇرەكتەردى جاساۋ ءۇشىن جۇمىس ىستەيدى. ونىڭ ايتۋىنشا، استانا - جاساندى جۇرەكتەرى بار ەلوردا. دوكتور تەدروس پەن كليۋگە ايتقانداي، ەگەر سىزدەر فيزيكالىق بەلسەندىلىكپەن اينالىساتىن بولساڭىزدار، سىزدەرگە جاساندى جۇرەكتەر قاجەت ەمەس، ءوز جۇرەكتەرىڭىز جەتكىلىكتى بولادى»،- دەدى مالتا دەنساۋلىق ساقتاۋ مينيسترلىگىنىڭ باسشىسى بوتانيكالىق باقتاعى جارىسقا قاتىسۋشىلارعا سويلەگەن سوزىندە.
ءىس-شارانىڭ قۇرمەتتى قوناقتارى رەتىندە بەلگىلى سپورتشىلار، بىرنەشە دۇركىن وليمپيادا جۇلدەگەرلەرى، ولاردىڭ ىشىندە بوكستان الەم چەمپيونى، ق ر ەڭبەك سىڭىرگەن جاتتىقتىرۋشىسى مەرەي اقشالوۆ، تاەكۆوندودان ق ر بىرنەشە دۇركىن چەمپيونى، حالىقارالىق تۋرنيرلەردىڭ جەڭىمپازى، الەم چەمپيوناتتارىنىڭ، ازيا چەمپيوناتىنىڭ قولا جۇلدەگەرى، بەيجىڭ وليمپياداسىنىڭ قولا جۇلدەگەرى، ارمان چيلمانوۆ، ەكى دۇركىن وليمپيادا جانە اۋىر اتلەتيكادان ءتورت دۇركىن الەم چەمپيونى، بىرنەشە دۇركىن الەم رەكوردشىسى يليا يلين، كوركەم گيمناستيكادان ازيا ويىندارىنىڭ چەمپيونى اننا اليابيەۆا شاقىرىلدى.
ساۋىقتىرۋ اكسياسىنا قاتىسۋشىلار ءۇشىن مەديسينالىق شاتىرلار ورناتىلىپ، جەدەل دياگنوستيكادان ءوتىپ، قان قىسىمىن ولشەي الادى.