بۇگىن بەيجىڭ وليمپياداسىنىڭ العاشقى ىرىكتەۋ سىندارى باستالادى

بەيجىڭدە اق وليمپيادانىڭ العاشقى ىرىكتەۋ سىندارى باستالادى، دەپ حابارلايدى Almaty-akshamy.kz

وليمپيادا ويىندارىنىڭ رەسمي اشىلۋ ءراسىمى 4 اقپانعا جوسپارلانعان. الايدا، بۇگىن كەرلينگ، شايبالى حوككەي، فريستايل سىندى سپورت تۇرلەرىنەن العاشقى ىرىكتەۋ جارىستارى باستالادى. ال 3 اقپان كۇنى قازاقستاندىق فريستايلشىلار جارىس الاڭىنا شىعادى.

ەستەرىڭىزگە سالا كەتسەك، فريستايل-موگۋلدان وليمپياداعا قازاقستاننان يۋليا گالىشيەۆا، اياۋلىم امرەنوۆا، ولەسيا گراۋر، اناستاسيا گورودكو، دميتريي رەيحەرد جانە پاۆەل كولماكوۆ جولداما جەڭىپ العان بولاتىن.

سونداي-اق، XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسادى، ولار 87 جولدامانى جەڭىپ الدى. ءتورتجىلدىق دودانىڭ اشىلۋ سالتاناتى نۇر-سۇلتان ۋاقىتىمەن 4 اقپان كۇنى، ساعات 17:55-تە باستالادى.

وليمپيادانىڭ سالتاناتتى اشىلۋ راسىمىندە ەلىمىزدىڭ بايراعىن بيىل العاش رەت ءبىر ەمەس، ەكى سپورتشى الىپ شىعادى. ونىڭ ءبىرى – شورت-ترەكتەن قازاقستان قۇراماسىنىڭ كوشباسشىسى ابزال اجىعالييەۆ بولسا، ەكىنشىسى – كونكيشى ەكاتەرينا ايدوۆا. ەكەۋى دە - قۇراماداعى تاجىريبەلى، جۇلدەگە تالاسۋعا مۇمكىندىگى جوعارى سپورتشىلار.