اۋىل شارۋاشىلىعى ءمينيسترى ايداربەك ساپاروۆ قىتايلىق CITIC Construction جانە Beijing Capital Agro كومپانيالارىنىڭ باسشىلىعىمەن كەزدەستى، دەپ حابارلايدى اlmaty-akshamy.kz.
سونداي-اق كەزدەسۋگە قازاقستاندىق «Meat processing and Servis company»، «ەلىماي كوكپەكتى»، «استانا اگرو پرودۋكت» ج ش س، Agro Silk Way، «جاكە» شق، «قازاقستان ەت وداعى» قاۋىمداستىعىنىڭ وكىلدەرى قاتىستى.
جۇڭگو اۋىل شارۋاشىلىعى سالاسىنداعى ءبىزدىڭ ءىرى ساۋدا سەرىكتەستەرىمىزدىڭ ۇشتىگىنە كىرەدى. 2023 جىلى ق ر مەن قحر اراسىنداعى اوك ونىمدەرىنىڭ تاۋار اينالىمى 1،3 ملرد اقش دوللارى بولدى. بۇل – 2022 جىلمەن سالىستىرعاندا 67% -عا ارتىق. قحر-عا اۋىل شارۋاشىلىعى ونىمدەرىن ەكسپورتتاۋ كولەمى 2 ەسە ءوسىپ، 1 ملرد اقش دوللارىنا جەتتى. قىتايعا ەكسپورتتىڭ نەگىزگى كولەمى ءداندى جانە مايلى داقىلدارعا، ءتۇرلى مايلارعا تيەسىلى، ءبىراق ءبىز مال شارۋاشىلىعى ونىمدەرى ەسەبىنەن ەكسپورت كولەمىن ۇلعايتۋ ءۇشىن ۇلكەن الەۋەتتى كورىپ وتىرمىز، – دەدى ايداربەك ساپاروۆ.
سونىمەن بىرگە ۆەدومستۆو باسشىسى 2024 جىلدىڭ اقپانىندا قحر ۇكىمەتى قازاقستاننىڭ وڭتۇستىك-شىعىس وڭىرلەرىنەن ەت ونىمدەرىن ەكسپورتتاۋ بويىنشا شەكتەۋلەردى الىپ تاستاعانىن ەسكە سالدى.
بۇل جوعارى ساپالى ازىق-تۇلىك ونىمدەرىنىڭ ەكسپورتىن جاڭعىرتۋعا مۇمكىندىك بەردى. سيىر ەتىنىڭ ءبىرىنشى پارتياسى ماۋسىمدا قحر-عا ەكسپورتتالدى. بۇگىن 75 ملن اقش دوللارى سوماسىنا ءۇش جاڭا شارتقا قول قويىلادى. قحر ءتوراعاسى سي ءسزينپيننىڭ قازاقستانعا مەملەكەتتىك ساپارى اياسىندا ءبىزدىڭ مينيسترلىك پەن قحر گتق اراسىندا ءىرى قارا مالدى ەكسپورتتاۋعا ارنالعان ۆەتەرينارلىق تالاپتاردى كەلىسۋ جونىندەگى حاتتاماعا قول قويىلدى. ەكسپورتتالاتىن ءونىم نومەنكلاتۋراسىن ۇلعايتۋ بويىنشا جۇمىس جۇرگىزىلىپ جاتىر. اوك ونىمدەرىنىڭ تاعى 10 ءتۇرى ازىرلەنەدى. ءبىز اوك سالاسىنداعى بىرلەسكەن ينۆەستيسيالىق جوبالاردى ىسكە اسىرۋعا جانە ىنتىماقتاستىققا اشىقپىز. ونىڭ ۇستىنە بۇل باعىتتا وڭ تاجىريبە بار: مايلى داقىلداردى قايتا وڭدەۋ، قۇرعاق ءسۇت وندىرەتىن كاسىپورىندار جۇمىس ىستەيدى. بيدايدى، جۇگەرىنى تەرەڭ قايتا وڭدەۋ زاۋىتتارىن، مال شارۋاشىلىعى كەشەنىن سالۋ جوسپارلانعان، – دەپ تولىقتىردى ايداربەك ساپاروۆ.
قىتايلىق كومپانيالاردىڭ وكىلدەرى قازاقستانمەن سيىر ەتى مەن ءتىرى مال ساتىپ الۋ تۇرعىسىنان ۇزاق مەرزىمدى ىنتىماقتاستىققا قىزىعۋشىلىق تانىتتى. ماسەلەن، Beijing Capital Agro كومپانياسى 2030 جىلعا دەيىن ەتتى مال شارۋاشىلىعى سالاسىنا 600 ملن دوللاردان استام ينۆەستيسيا سالۋعا نيەتتى. جوبا اياسىندا بورداقىلاۋ الاڭدارى قۇرىلىپ، 600-دەن استام فەرمەرلىك شارۋاشىلىق پەن جۇمىس ىستەپ تۇرعان بورداقىلاۋ الاڭدارى ىسكەرلىك ارىپتەستىككە تارتىلادى. 3500-دەن استام جۇمىس ورنى قۇرىلادى دەپ كۇتىلەدى.
جيىن سوڭىندا «Meat processing and Servis company»، Agro Silk Way، «استانا اگرو پرودۋكت» ج ش س قحر كومپانيالارىمەن ەت ەكسپورتىنا، سونداي-اق ءتىرى مال جەتكىزۋگە ءۇش كەلىسىمشارتقا قول قويدى.