بۇگىن اۋا رايى قانداي بولادى؟

كەي جەرلەردە 35-41°س ىستىق بولادى.

«قازگيدرومەت» رمك بۇگىنگى كۇن رايى بولجامىن جاريالادى، دەپ حابارلايدى Almaty-akshamy.kz

كاسىپورىن تاراتقان دەرەكتەرگە قاراعاندا، شىلدەنىڭ 17ء-سى كۇنى اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باتىسىندا، سولتۇستىگىندە، وڭتۇستىگىندە كۇن قۇبىلمالى بوادى. كەي جەرلەردە جاڭبىر ، بۇرشاق جاۋادى، كەي جەرلەردە نايزاعاي ويناپ، جەل كۇشەيەدى. ال ەلدىڭ قالعان اۋماقتارىندا كوبىنە كۇن جاۋىن-شاشىنسىز بولادى. رەسپۋبليكا بويىنشا جەل كۇشەيىپ، تۇندە ەلىمىزدىڭ سولتۇستىك-شىعىسىندا تۇمان تۇسەدى.

كۇندىز اقمولا، جامبىل، الماتى، قىزىلوردا وبلىستارىندا، اباي، شىعىس قازاقستان، قاراعاندى وبلىستارىنىڭ وڭتۇستىگىندە، ۇلىتاۋ وبلىسىنىڭ سولتۇستىگىندە، ورتالىعىندا، تۇركىستان وبلىسىنىڭ باتىسىندا جانە ءشولدى اۋداندارىندا 35-41°س قاتتى ىستىق كۇتىلەدى.

تۇركىستان، الماتى، شىعىس قازاقستان، پاۆلودار، قاراعاندى، قىزىلوردا، جامبىل، ماڭعىستاۋ، اقمولا، سولتۇستىك قازاقستان، ۇلىتاۋ، اباي، جەتىسۋ وبلىستارىندا، اقتوبە وبلىسىنىڭ وڭتۇستىگىندە، وڭتۇستىك-شىعىسىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، شىعىسىندا توتەنشە ءورت ءقاۋپى كۇتىلەدى.