قازگيدرومەتتىڭ بولجامى بويىنشا، 2 قازاندا قازاقستان اۋماعىنىڭ باسىم بولىگىنە اۋا رايى جاۋىن-شاشىنسىز بولادى.
سينوپتيكتەردىڭ مالىمەتىنە سۇيەنسەك، تەك وڭتۇستىكتە، وڭتۇستىك-شىعىستا، شىعىستا، ەلدىڭ ورتالىعىندا اتموسفەرالىق فرونتتاردىڭ وتۋىنە بايلانىستى جاڭبىر جاۋادى. ال وڭتۇستىك – شىعىستىڭ تاۋلى ايماقتارىندا قار ارالاس جاۋىن جاۋادى. رەسپۋبليكا بويىنشا تۇمان تۇسەدى، وڭتۇستىكتە، وڭتۇستىك-شىعىستا، كۇندىز ەلدىڭ ورتالىعىندا ەكپىندى جەل سوعادى، كۇندىز ورتالىقتا بۇرشاق جاۋادى.
تۇندە اقمولا وبلىسىنىڭ سولتۇستىگىندە، شىعىسىندا، قوستاناي، باتىس قازاقستان، پاۆلودار وبلىستارىنىڭ سولتۇستىگىندە، سولتۇستىك قازاقستان وبلىسىنىڭ وڭتۇستىك-شىعىسىندا، اباي وبلىسىنىڭ باتىسىندا 1-2 گرادۋس ۇسىك جۇرەدى.
تۇركىستان، ورتالىق، شىعىس، قىزىلوردا وبلىستارىندا توتەنشە ءورت ءقاۋپى ساقتالادى.
جامبىل، قاراعاندى وبلىسىنىڭ وڭتۇستىگىندە جانە ۇلىتاۋ وبلىسىندا، ماڭعىستاۋ وبلىسىنىڭ ورتالىعىندا ءورت ءقاۋپى جوعارى.