ەلىمىزدە ءتۇرلى ۇلىستار تاتۋلىق پەن بەيبىتشىلىكتە ءومىر سۇرۋدە. مەملەكەتىمىزدەگى ءوزارا كەلىسىمدى نىعايتۋ ماقساتىندا 1995 جىلدىڭ 1 ناۋرىزىندا قازاقستان حالقى اسسامبلەياسى قۇرىلىپ، ۇلىسارالىق تۇسىنىستىك پەن بىرلىكتى نىعايتۋعا زور اتسالىسىپ كەلەدى.
بۇل بىرەگەي ينستيتۋت ءوزارا كەلىسىمدى بەرىكتەندىرۋ ارناسىندا زەردەلەۋ جۇمىستارىن ىسكە اسىرىپ، جاستار اراسىندا جۇيەلى جۇمىستار اتقارىپ كەلەدى. قازاقستاننىڭ وسى باعىتتاعى مول تاجىريبەسىن وزگە مەملەكەتتەر تىڭعىلىقتى زەرتتەۋدە.
ەلىمىزدە 2016 جىلدان بەرى العىس ايتۋ كۇنى اتالىپ وتۋدە. بۇل مەرەكەنىڭ ءمانى اسا زور. العىس ايتۋ كۇنى – وتانداستارىمىزدى ءوزارا تاتۋلىققا، ءبىر-بىرىن ىزگىلىكپەن قۇرمەتتەۋگە، ەلىمىزدىڭ تاريحىن قاستەرلەۋگە شاقىراتىن، ءتۇرلى ۇلىستاردى كيەلى شاڭىراق استىنا ۇيىستىراتىن مەرەكە.
پرەزيدەنتىمىز، Nur Otan پارتياسىنىڭ ءتوراعاسى قاسىم-جومارت كەمەل ۇلى اتاپ وتكەندەي، «بۇل كۇنى ءبىز ەلدى وركەندەتەتىن تاتۋ تىرشىلىك پەن جاراسىمدى سىيلاستىق جولىنداعى نيەتىمىزدىڭ توعىسقانى ءۇشىن بىر-بىرىمىزگە العىس ايتامىز. تاۋەلسىزدىك كەزەڭىندەگى تابىستارعا بەرەكە-بىرلىكتىڭ ارقاسىندا عانا قول جەتكىزدىك.بۇل – ەگەمەن ەلىمىزدىڭ باعا جەتپەس بايلىعى».
ارداقتى اعايىن، العىس ايتۋ كۇنى قۇتتى بولسىن! بارشامىزدىڭ نيەتىمىز وتانىمىز قازاقستاندى وركەندەتىپ، ۇيىسقان بەرەكەمىزدى نىعايتۋعا ارنالسىن دەگىم كەلەدى. ءاربىر وتباسىنا مول قۋانىش پەن ۇلكەن جەتىستىكتەر تىلەيمىن.