بۇگىن ەلىمىزدىڭ 10 قالاسىندا جايسىز مەتەورولوگيالىق جاعداي قالىپتاسىپ، اۋا لاستانادى، دەپ حابارلايدى Almaty-akshamy.kz «قازگيدرومەتكە» سىلتەمە جاساپ.
«2023 جىلعى 3 اقپاندا پەتروپاۆل، قوستاناي، كوكشەتاۋ، پاۆلودار، قاراعاندى، تەمىرتاۋ، وسكەمەن، سەمەي، ريددەر جانە استانا قالالارىندا قولايسىز مەتەورولوگيالىق جاعداي قالىپتاسادى»،-دەلىنگەن حابارلامادا.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قولايسىز مەتەورولوگيالىق جاعداي كەزىندە ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.