تاسقىن سۋ كورشى اۋداندارداعى نوسەر سالدارىنان جىرالار ارقىلى اعىپ كەلگەن.
تاسقىن سۋ ارىس قالاسىنا دا ءقاۋىپ ءتوندىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ارىس قالاسىنداعى قابىلساي تابيعي ارناسى سۋعا تولدى. ءقازىر قالا تۇرعىندارى مەن 200-دەن استام اسكەري قىزمەتكەر قۇم سالىنعان قاپپەن جول جيەكتەرىن جاۋىپ جاتىر. ازىرگە ءبىر ءۇيدىڭ اۋلاسىنا سۋ كىرگەن.
قالا اكىمى گۇلجان قۇرمانبەكوۆا سۋ باسقان ايماققا بارىپ، تۇرعىندارمەن كەزدەستى. ءاربىر اكىمدىك قىزمەتكەرىنىڭ كەزەكشىلىكتە جۇرگەنىن ايتىپ، ءقاۋىپتىڭ الدىن الۋ باعىتىندا اتقارىلىپ جاتقان جۇمىستارمەن تانىستىردى.
ءبىر قىزىعى ارىس قالاسىنا جاڭبىر جاۋماعان. تاسقىن سۋ كورشى اۋداندارداعى نوسەر سالدارىنان جىرالار ارقىلى اعىپ كەلگەن.
ايتا كەتەيىك، تۇركىستان وبلىسىندا جاۋعا نوسەر مەن قاردىڭ ەرۋى سالدارىنان بۇگىن تاڭەرتەڭ بىرنەشە ەلدى مەكەندى سۋ باسىپ قالدى.