بۇدان بىلاي ۇشاقتا ۇيالى تەلەفوندى تاسىمالداۋعا رۇقسات ەتىلمەيدى

يندۋستريا جانە ينفراقۇرىلىمدىق دامۋ مينيسترلىگى ءمينيستردىڭ مىندەتىن اتقارۋشىنىڭ 2023 جىلعى 27 شىلدەدەگى № 548 بۇيرىعىمەن بەكىتىلگەن ازاماتتىق اۋە كەمەلەرىندە تاسىمالداۋ قاعيدالارىنداعى ماڭىزدى وزگەرىستەر تۋرالى حابارلايدى.

جولاۋشىلاردىڭ قاۋىپسىزدىگى مەن جايلىلىعىن ارتتىرۋ ماقساتىندا اۋە كەمەلەرىنىڭ بورتىندا ەلەكتروندىق قۇرىلعىلار مەن ەلەكتروندىق تەمەكىلەردى تاسىمالداۋعا قويىلاتىن تالاپتارعا ەلەۋلى وزگەرىستەر ەنگىزىلدى. 

مىسالى، جاڭا تالاپتار بويىنشا باگاجدا ليتيي نەمەسە ليتيي-يوندى ەلەمەنتتەرى، سونداي-اق قوسالقى باتارەيالارى بار ءپورتاتيۆتى ەلەكتروندىق قۇرىلعىلاردى (پلانشەتتەر، ساعاتتار، كالكۋلياتورلار، كامەرالار، ۇيالى تەلەفوندار، نوۋتبۋكتەر، بەينەكامەرالار جانە ت.ب.) تاسىمالداۋعا تىيىم سالىنادى.

سونىمەن قاتار باگاجدا ەلەكترون تەمەكى مەن ۆەيپ تاسىمالداۋعا رۇقسات ەتىلمەيدى.

وسىعان بايلانىستى جولاۋشىلاردان كورسەتىلگەن زاتتاردى قول جۇگىندە تاسىمالداۋىن سۇرايمىز: 

نوۋتبۋكتەر؛ 

ۇيالى تەلەفوندار؛ 

كامەرالار؛ 

پلانشەتتەر؛ 

ەلەكترون تەمەكى؛

ليتيي-يوندى باتارەيالارى بار بارلىق ەلەكترون قۇرىلعى؛

قوسالقى باتارەيالار مەن قۋات بانكتەرى.