ساۋد ارابياسىنىڭ قاجىلىق جانە ۇمرا مينيسترلىگى بيىلعى قاجىلىق ماۋسىمىندا قاجىلارعا بالالاردى وزىمەن بىرگە ەرتىپ كەلۋگە رۇقسات بەرىلمەيتىنىن جاريالادى.
Aqshamnews.kz بۇل جايىندا Islam.kz-كە سىلتەمە جاساي وتىرىپ حابارلايدى.
ساۋديا بيلىگى مۇنداي قادامعا بالالاردىڭ قاۋىپسىزدىگىن قامتاماسىز ەتۋ ءۇشىن بارىپ وتىر. ويتكەنى، قاجىلىق كەزىندە قاجىلاردىڭ كەپتەلىسىنەن جانشىلىپ ءولۋ قاتەرى جوعارى. بۇدان بولەك، اتالمىش مينيسترلىك قاجىلاردىڭ قاۋىپسىزدىگىن قامتاماسىز ەتۋ ءۇشىن قوسىمشا شارالاردى قابىلدايدى. سونىڭ ىشىندە قاسيەتتى مەكەندە قاجىلاردىڭ كەپتەلىسىن بولدىرماۋ ءۇشىن ورىن اۋىستىرۋ، باعىتتاۋ ءۇشىن زياتكەرلىك جۇيە قولدانىلادى.
بۇعان قوسا، شاتىرلى لاگەر ينفراقۇرىلىمىن جەتىلدىرۋ، ت.ب. شارالار قولعا الىنادى. بۇل جولى دا قاجىلىق ماۋسىمىندا بۇرىن قاجىلىعىن وتەمەگەندەرگە، ياعني، العاش رەت قاسيەتتى پارىزىن وتەيتىندەرگە ارتىقشىلىقتار بەرىلەتىن بولادى. 2025 جىلعى قاجىلىق ماۋسىمىنا تىركەلۋ رەسمي تۇردە اشىق: ساۋد ارابياسىنىڭ ازاماتتارى مەن رەزيدەنتتەرى ءۇشىن Nusuk قوسىمشاسى جانە رەسمي ونلاين-پورتال ارقىلى تىركەلۋگە بولادى.