جىلدان-جىلعا اللەرگيا بەرەتىن ءونىم تۇرلەرى كوبەيىپ بارادى. جاپون عالىمدارى وسى دەرتتىڭ سيمپتومىن تومەندەتەتىن تابيعي زاتتى تاپتى، دەپ حابارلايدى aqshamnews.kz
يممۋن جۇيەسىنىڭ گيپەرسەزىمتالدىعىنان تۋىندايتىن تاعام اللەرگياسىنان ميلليونداعان ادام زارداپ شەگەدى. اللەرگەندەر اراسىندا ءسۇت، جاڭعاقتار، جۇمىرتقا، تەڭىز ونىمدەرى جانە باسقا نەشە ءتۇرلى تاعامدار بار.
عالىمداردىڭ ايتۋىنشا، اللەرگيامەن كۇرەستە ىشەكتەگى جاسۋشالار بولەتىن RALDH2 فەرمەنتى مىقتى كومەكتەسەدى.
توكيو ۋنيۆەرسيتەتىنىڭ پروفەسسور تيحارۋ نيسياما باستاعان ءبىر توپ عالىمى اتالعان فەرمەنتتىڭ ءبولىنۋىن كۇشەيتەتىن زاتتى تابۋ ءۇشىن 40 فلاۆونويدتى زەرتتەپتى. زەرتتەۋ ناتيجەسى Allergy جۋرنالىندا جاريالاندى.
ەڭ ءتيىمدىسى كەمپفەرول بولىپ شىقتى، ول كاپۋستا، بروككولي، شپينات، فاسول، كوك شاي، جيدەكتەر مەن قىزىل المادا كوپ ەكەن. كەمپفەرول ىشەك جاسۋشاسىندا قاجەتتى جاسۋشىلاردى دامىتىپ، يممۋنيتەتتىڭ اللەرگەنمەن كۇرەسىنە كومەكتەسەدى، قابىنۋعا قارسى قاسيەتى دە بار.
«وسى ونىمدەردى كۇن سايىن تۇتىنساڭىز، اللەرگيا ءقاۋپىن ازايتادى، قابىنۋ مەن اۋتويممۋندى اۋرۋلاردىڭ الدىن الۋعا بولادى»، – دەيدى پروفەسسور تيحارۋ نيسياما.