بريۋس ۋيلليس دەنساۋلىعىنا بايلانىستى كينودان كەتتى

67 جاستاعى اكتەرگە افازيا دياگنوزى قويىلدى.

امەريكالىق اكتەر بريۋس ۋيلليس سويلەۋ قابىلەتىنىڭ بۇزىلۋىنا اكەلەتىن افازيا اۋرۋىنا شالدىعۋىنا بايلانىستى مانسابىن اياقتايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«ءبىزدىڭ سۇيىكتى بريۋس دەنساۋلىعىنا قاتىستى ماسەلەلەرگە تاپ بولدى جانە جاقىندا ونىڭ كوگنيتيۆتى قابىلەتتەرىنە اسەر ەتەتىن افازيا دياگنوزى قويىلدى. ءبارىن ويلاستىرعان بريۋس ءوزى ءۇشىن ماڭىزدى بولعان كارەراسىنان باس تارتتى»، - دەپ جازدى اكتەردىڭ قىزى رۋمەر ۋيلليس Instagram جەلىسىندە.

جۇرتشىلىققا ارنالعان ۇندەۋگە ءبريۋستىڭ ايەلى ۋيلليس ەممي، سونداي-اق ونىڭ بۇرىنعى زايىبى دەمي مۋر جانە ونىڭ بالالارى قول قويعان.

افازيا - ميدىڭ زاقىمدانۋىنان تۋىنداۋى مۇمكىن سويلەۋدىڭ بۇزىلۋى. افازيا ناتيجەسىندە سويلەۋ، ءتۇسىنۋ، وقۋ، جازۋ قابىلەتى جويىلۋى مۇمكىن.

بريۋس ۋيلليس 1955 جىلى 19 ناۋرىزدا يدار-وبەرشتەين قالاسىندا (گەرمانيا) دۇنيەگە كەلگەن. اكەسى امەريكالىق، ال شەشەسى نەمىس.

ول «مىقتى جاڭعاق»، «قىلمىستىق وقۋلىق» «ارماگەددون» جانە «بەسىنشى ەلەمەنت» فيلمدەرىندەگى رولدەرىمەن تانىمال بولدى.

1987 جىلدان 2000 جىلعا دەيىن اكتريسا دەمي مۋرمەن بىرگە تۇردى. 2009 جىلى ول اعىلشىن اكتريساسى ەمما حەمينگكە ۇيلەندى.