بريتاندىق ارنايى جاساق اۋعانستاننان ايەلدەرشە كيىنىپ الىپ قاشقان

بۇل «ايەلدەر» توبىن تاليبان پاترۋلدەرى بىرنەشە رەت توقتاتقان. 

SAS بولىمشەسىندەگى بريتاندىق ارنايى جاساق ايەلدەر كيىمىن كيىپ الىپ، اۋعانستاننان قاشقان. ناتيجەسىندە ولار كوپتەگەن ەلدە (سونىڭ ىشىندە قازاقستاندا) تىيىم سالىنعان «تاليبان» قوزعالىسىنىڭ سودىرلارىن الداپ سوققان، دەپ حابارلايدى Almaty-akshamy.kz رەن.تۆ-گە سىلتەمە جاساپ.

بريتاندىق ەليتالىق ارنايى كۇشتەردىڭ 20-عا جۋىق جاۋىنگەرى اۋعانستاننىڭ وڭتۇستىگىندە قيىن جاعدايدا قالعان. بريتاندىق قورعانىس مينيسترلىگى ولاردى نە ۇشاقپەن، نە تىكۇشاقپەن الىپ كەتە الماپتى، سوندىقتان اسكەريلەر كابۋلعا ءوز بەتتەرىنشە جەتۋگە بەل بۋعان. 

تالىپتەر باسىپ العان كابۋل ارقىلى حاميد كارزاي اۋەجايىنا جەتۋ ولارعا قيىنعا سوققان. 
قاۋىپتەن ساقتانعان بريتاندىقتار ايەلدەرشە كيىنۋگە ءماجبۇر بولىپ، شاريعات زاڭدارىن ۇستاناتىن اۋعان ايەلدەرىن مۇحيات بەينەلەۋگە تىرىسقان. قاشۋعا بەل بۋعان بارلىق قاتىسۋشىلار بەتتەرىن پارانجامەن جاۋىپ الىپتى. ارنايى جاساق اسكەري جابدىقتاردىڭ كوپ بولىگىن تاستاۋعا ءماجبۇر بولىپ، ولار وزدەرىنە تەك قارۋ-جاراق پەن وق-دارىلەردى قالدىرعان. 
«ايەلدەر» توبىن بىرنەشە رەت تاليبان پاترۋلدەرى توقتاتىپتى، ءبىراق سودىرلار كۇدىكتى ەشتەڭە بايقاماعان. ناتيجەسىندە بريتاندىق ارنايى جاساق اۋەجايعا جەتىپ العان.