وندوننىڭ ICE بيرجاسىندا 2022 جىلدىڭ تامىزىندا جەتكىزىلەتىن Brent ماركالى مۇنايدىڭ فيۋچەرستەرى 2% ءوستى، دەپ حابارلايدى Almaty-akshamy.kz Inform.kz-كە سىلتەمە جاساپ.
وسىلايشا Brent مۇنايىنىڭ ءبىر باررەلى بيىلعى 24 ناۋرىزدان بەرى ءبىرىنشى مارتە 121 دوللاردان استى. بۇنى بۇگىنگى ساۋدا-ساتتىق مالىمەتى راستايدى.
نۇر-سۇلتان ۋاقىتىمەن بۇگىن ساعات 01.20 شاماسىندا Brent باعاسى 2،97% قىمباتتاپ، باررەلى 121،21 دوللارعا جەتتى. ال 01.36 كەزىندە اتالمىش ماركالى مۇناي باعاسىنىڭ ءوسىمى 3،09% قۇراپ، 121،24 دوللارعا دەيىن كوتەرىلدى.
سونىمەن قاتار بيىلعى شىلدەدە جەتكىزىلەتىن WTI مۇنايىنىڭ فيۋچەرستەرى 2،92% قىمباتتاپ، باررەلى 120،28 دوللاردان استى.