ينتەرنەتتى سوڭعى جىلدارى ءمان-ماعىناسىز كورىنەتىن مەمدەر مەن قىسقا ۆيدەولار جاۋلاپ الدى. «سكيبيدي-تۋالەت» پەن «بومبارديرو كروكوديلو» سياقتى بەينەلەردى ميلليونداعان ادام كورەدى.
مۇنداي كونتەنتتى بۇگىندە برەينروت دەپ اتايدى – اعىلشىنشا brain («مي») جانە rot («شىرىك») سوزدەرىنەن قۇرالعان ۇعىم، - دەپ حابارلايدى Aqshamnews.kz.
«برەينروت» ءسوزىن العاش 1854 جىلى امەريكاندىق فيلوسوف گەنري ديەۆيد تورو قولدانعان. ول قوعامداعى ويدىڭ جەڭىلدەۋىن «مي شىرىگى» دەپ سىناعان. ال ينتەرنەت داۋىرىندە بۇل ءسوز ماعىناسىز، ءبىراق ۆيرۋستاي تارايتىن كونتەنتكە بايلانىستى ايتىلىپ ءجۇر.
2023 جىلى شىققان «سكيبيدي-تۋالەت» شوۋىنان كەيىن تەرمين ءتىپتى كەڭىنەن تارالدى. 2024 جىلى وكسفورد سوزدىگى «برەينروتتى» «جىل ءسوزى» دەپ اتادى.
قازىرگى جاستاردىڭ نازار اۋدارۋ نەمەسە زەيىن قويۋ ۋاقىتى قىسقارعان. ەگەر 2004 جىلى ادامنىڭ ورتاشا كونسەنتراسياسى 2،5 مينۋت بولسا، ءقازىر نەبارى 47 سەكۋند. وسىنداي جاعدايدا تۇسىندىرمەسىز، ابسۋرد بەينەلەردى كورۋ وڭاي ءارى تارتىمدى بولىپ كورىنەدى.
ميعا زيانى قانداي؟
- عالىمدار برەينروت-كونتەنتتىڭ بىرنەشە كەرى اسەرىن اتاپ وتەدى:
- جادى (ەسكە ساقتاۋ) مەن شەشىم قابىلداۋ قابىلەتى السىرەيدى؛
- اقپاراتتى ساقتاۋ قيىندايدى؛
- ۋاقىتتىڭ كوپ بولىگى ءمانسىز سكروللينگكە كەتەدى.
قالاي قورعانۋعا بولادى؟
- قىسقا ۆيدەوعا كەتكەن ۋاقىتتى شەكتەۋ؛
- ەكران ۋاقىتىن باقىلايتىن قوسىمشالار قولدانۋ.
- ديدجيتال-دەتوكس جاساپ كورۋ
- جەكە دامۋعا پايدالى ىستەرگە ۋاقىت ءبولىڭىز: كىتاپ وقۋ، سۋرەت سالۋ، مۋزىكا.
- دوستارمەن جانە وتباسىڭىزبەن وفلاين قارىم-قاتىناستى كۇشەيتۋ.
برەينروت — كۇلكى سىيلايتىن، ءبىراق ميعا سالماق تۇسىرەتىن قۇبىلىس. اقپاراتتى سانالى تۇتىنۋ ارقىلى عانا ونىڭ زيانىن ازايتىپ، ۋاقىتىڭىزدى ءتيىمدى وتكىزە الاسىز.