باتىس قازاقستان وبلىسىندا ءىرى جول اپاتىنان 8 ادام قازا تاپتى، دەپ حابارلايدى Aqshamnews.kz ءتىلشىسى.
17 قاراشادا ساعات شامامەن كۇندىزگى ۋاقىتتا وبلىستىق ماڭىزى بار چاپاي – جاڭاقالا – سايقىن اۆتوجولىنىڭ 50-شاقىرىمىندا Toyota Camry مەن Volkswagen Sharan كولىكتەرى بەتپە-بەت سوقتىعىستى. قاقتىعىستان كەيىن كولىكتەردىڭ ءبىرى ورتەنىپ كەتكەن. بۇل اقپاراتتى بقو پوليسيا دەپارتامەنتى راستادى.
پوليسيانىڭ مالىمەتىنشە، وقيعا ورنىندا سەگىز ادام كوز جۇمعان، تاعى ءتورت ادام اۋرۋحاناعا جەتكىزىلگەن.
وقيعا بويىنشا قىلمىستىق ءىس قوزعالدى. الدىن الا بولجام بويىنشا جۇرگىزۋشىلەردىڭ ءبىرى قارسى باعىتقا شىعىپ كەتكەن بولۋى مۇمكىن.
دەپارتامەنت وكىلدەرى جول-كولىك وقيعاسى بولعان ساتتە اۋا رايى مەن جول جابىنىنىڭ جاعدايى قالىپتى، كورىنۋ دەڭگەيى جاقسى بولعانىن اتاپ ءوتتى. قازىرگى ۋاقىتتا وقيعا ورنىندا پوليسيا، تەرگەۋ توبى جانە تجد قىزمەتكەرلەرى جۇمىس ىستەپ جاتىر.
پوليسيا جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا شاقىردى: ءاربىر زاڭ بۇزۋشىلىق، اسىرەسە جولاۋشى تاسىمالداۋ كەزىندە، ادام ومىرىنە تىكەلەي ءقاۋىپ توندىرەدى.