بقو-دا ەلدى مەكەندەردى سۋ باسۋ ءقاۋپى سەيىلدى

بقو-دا سۋ تاسقىنى جاعدايىنا اەروۆيزۋالدى بارلاۋ جۇرگىزىلدى.

باتىس قازاقستان وبلىسىندا سۋ تاسقىنى جاعدايىنا اەروۆيزۋالدى بارلاۋ جۇرگىزىلدى، دەپ حابارلايدى اlmaty-akshamy.kz توتەنشە جاعدايلار مينيسترلىگىنىڭ تەلەگرام كانالىنا سىلتەمە جاساپ.

باتىس قازاقستان وبلىسى اكىمىنىڭ ءبىرىنشى ورىنباسارى ە. بالتايەۆ جانە توتەنشە جاعدايلار دەپارتامەنتىنىڭ باستىعى ە. وتەگەنوۆ «قازگيدرومەت» جانە «قازسۋشار» رمك باسشىلارىمەن ورال قالاسى، بايتەرەك جانە تاسقالا اۋداندارىنداعى سۋ تاسقىنى جاعدايىنا اەروۆيزۋالدى بارلاۋ جۇرگىزدى.

اۋەدەن بارلاۋ بارىسىندا دەركول، شاعان جانە شەجىن-2 وزەندەرى مەن باسسەيندەرىنىڭ جاي-كۇيى زەرتتەلدى، وزەندەر بويىندا ورنالاسقان ەلدى مەكەندەردىڭ اينالاسىنا مونيتورينگ جۇرگىزىلدى.

باتىس قازاقستان وبلىسى تجد باسپا ءسوز قىزمەتىنىڭ مالىمەتى بويىنشا، قازىرگى ۋاقىتتا تاسقالا اۋىلىنداعى دەركول وزەنىندە سۋ دەڭگەيى – 520 سم، شەجىن-2 وزەنىنىڭ سۋ دەڭگەيى – 761 سم. ەلدى مەكەندەرگە ءقاۋىپ جوق.

سونىمەن قاتار، بۇگىنگى كۇنى ورال قالاسى، اقجايىق، ءبورلى، تاسقالا، تەرەكتى، شىڭعىرلاۋ، قاراتوبە، جاڭاقالا، كازتالوۆ، سىرىم جانە بايتەرەك اۋداندارىندا ەرىگەن قار سۋى سورىلدى. تاۋلىگىنە – 25 863 م3 (بارلىعى 103 839 م3).

ورال قالاسى، تەرەكتى جانە سىرىم اۋداندارىندا قاردى شىعارۋ جۇمىستارى جۇرگىزىلدى. تاۋلىگىنە – 8 338 م3 قار (بارلىعى – 319 915 م3). 535 ويىق بۇرعىلاندى، 230 م2 مۇز كەسىلدى، 690 قۇم سالىنعان قاپ توسەلدى، 2،8 كم ارىق، 128 سۋ وتكىزگىش قۇبىرلار تازارتىلدى.