29 قىركۇيەكتەن 30 قىركۇيەككە قاراعان ءتۇنى بوستاندىق اۋدانىندا اۆتوكولىك قوزعالىسىنا ۋاقىتشا شەكتەۋ ەنگىزىلەدى. بۇل تۋرالى «الماتى سۋ» كاسىپورنى حابارلادى.
مىڭبايەۆ كوشەسىندەگى قۇبىر جەلىلەرىن اۋىستىرۋ جۇمىستارىنا بايلانىستى ماناس كوشەسىندە، اباي داڭعىلى مەن ساتبايەۆ كوشەسىنىڭ اراسىنداعى اۋماقتا، 29 قىركۇيەك ساعات 22:00-دەن 30 قىركۇيەك ساعات 08:00-گە دەيىن قوزعالىس شەكتەلەدى.
اتالعان شەكتەۋ جول قوزعالىسى قاۋىپسىزدىگىن قامتاماسىز ەتىپ، جوندەۋ جۇمىستارىن ساپالى اتقارۋ ماقساتىندا ەنگىزىلەدى.
قازىرگى ۋاقىتتا مىڭبايەۆ كوشەسىندە سۋىق سۋ جەلىلەرىن جاڭعىرتۋ جالعاسىپ وتىر. جوبا اۋداننىڭ 50 مىڭنان استام تۇرعىنىن سەنىمدى ءارى تۇراقتى اۋىز سۋمەن قامتاماسىز ەتۋگە مۇمكىندىك بەرەدى.
ەسكە سالا كەتەيىك، قوزعالىستى شەكتەۋ تۋرالى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرىنىڭ جانە باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» قوسىمشالارىندا جاريالانادى.