الداعى ۋاقىتتا 900 اعاش كەسىلەدى.
الماتى اكىمى ەربولات دوسايەۆ 20 قازاندا بوستاندىق اۋدانىنىڭ تۇرعىندارىمەن كەزدەسۋ بارىسىندا وسى اۋداندا جايلى ورتا قۇرۋ جۇمىستارىن قالاي ءجۇرىپ جاتقانىن ايتتى، دەپ حابارلايدى Almaty-akshamy.kz.
«وتكەن كەزدەسۋلەردە اۆاريالىق جاعدايداعى اعاشتاردى كەسۋ، اسىرەسە تۇرعىن ۇيلەردىڭ اۋلاسىنداعى جاسىل جەلەكتەردى سانيتارلىق كەسۋ تۋرالى سۇراقتار ءجيى قويىلدى.ءقازىر قالادا اۆاريالىق جاعدايداعى 5 مىڭ اعاشتى كەسۋ جۇمىستارى باستالدى، ونىڭ ىشىندە بوستاندىق اۋدانىندا 900 اعاش كەسىلەدى. قازىرگى ۋاقىتتا اۋداننىڭ 3 كوشەسىندەگى (گاگارين داڭعىلى، اباي داڭعىلى، ساتبايەۆ كوشەسى) اۆاريالىق جاعدايداعى 207 اعاش وتالدى، سانيتارلىق ماقساتتا 4500 اعاش كەسىلدى»، - دەدى قالا باسشىسى.
اكىمنىڭ ايتۋىنشا، اۋداندا جاڭبىر كەزىندە ۇنەمى سۋ باسىپ كەتەتىن 5 ۋچاسكە بار.
«توتەنشە جاعدايلار جەلىسى بويىنشا بۇل پروبلەمانى تەزدەتىپ شەشۋ ءۇشىن بيىل قىركۇيەك ايىندا ارىق وتكەلدەرىن قالپىنا كەلتىرۋ جانە ارىق جەلىسىن سالۋ جۇمىستارى باستالدى.2 ارىق وتكەلىن رەكونسترۋكسيالاۋ جۇمىستارى اياقتالدى (جاروكوۆ جانە ساتبايەۆ كوشەلەرىنىڭ قيىلىسى، بايتۇرسىنوۆ جانە ساتبايەۆ كوشەلەرىنىڭ قيىلىسى).قالعان 3 ۋچاسكەنى جويۋ جۇمىستارىن 2022 جىلدىڭ جەلتوقسانىنا دەيىن اياقتاۋ جوسپارلانعان (ءال-فارابي – رەميزوۆكا، ءال-فارابي – گاگارين، تيميريازيەۆ – گاگارين كوشەلەرى)»، - دەدى ەربولات دوسايەۆ.
ونىڭ سوزىنە جۇگىنسەك، بيىلعى قازان ايىنىڭ سوڭىنا دەيىن ال-فارابيدەن اباي داڭعىلىنا دەيىنگى ۇزىندىعى 4،5 كم ۇلكەن الماتى جاعالاۋىن رەكونسترۋكسيالاۋعا جانە اباتتاندىرۋعا جوبالاۋ-سمەتالىق قۇجاتتامانى ازىرلەۋ اياقتالادى. 2022 جىلدىڭ قاراشا ايىنىڭ سوڭىنا دەيىن جوبا بويىنشا ساراپتامانىڭ شىعۋىن كۇتەمىز. جوبانى ىسكە اسىرۋ 2023 جىلدىڭ II توقسانىندا باستالادى.