2024 جىلى الماتى قالاسىنىڭ بوستاندىق اۋدانىندا مۇسىرەپوۆ جانە بۇقار جىراۋ كوشەلەرىنىڭ قيىلىسىنداعى بالالار الاڭىن جوندەۋ جۇمىستارى اياقتالدى. جوندەۋ جۇمىستارى «حالىق قاتىساتىن بيۋدجەت» باعدارلاماسى اياسىندا جۇزەگە اسىرىلدى، دەپ حابارلايدى Aqshamnews.kz
جاڭارتىلعان ويىن الاڭى ءقازىر بالالار مەن ولاردىڭ اتا-انالارى ءۇشىن زاماناۋي جانە ءقاۋىپسىز دەمالىس ورنى بولىپ تابىلادى. جۇمىس بارىسىندا جاڭا ويىن كەشەندەرى ورناتىلدى، رەزەڭكە جابىن اۋىستىرىلدى، جارىقتاندىرۋ جاڭارتىلدى، جاڭا ورىندىقتار مەن ۋرنالار قويىلدى.
بوستاندىق اۋدانىنىڭ تۇرعىنى انيتا ەفرەموۆا الاڭعا قاتىستى ءوز اسەرىمەن ءبولىستى:
«الاڭ ءبىزدىڭ كوشەدە تاماشا دەمالىس ورنىنا اينالدى. اكىمدىك پەن مەردىگەرلەرگە اتقارىلعان جۇمىستارى ءۇشىن العىس ايتامىز. نەمەرەلەرىم ەكەۋمىز كۇن سايىن وسىندا سەرۋەندەيمىز — ولار ونى جاقسى كورەدى جانە اۋماق ءارقاشان تازا جانە جاقسى كۇتىمدى. عاجاپ!» - دەدى ول.
بوستاندىق اۋدانىندا حقب باعدارلاماسى بويىنشا 2024 جىلى 50-دەن استام جوبا ىسكە اسىرىلدى. اتاپ ايتقاندا، وربيتا 3 جانە وربيتا 4 شاعىن اۋداندارىنداعى بالالار الاڭدارى رەتكە كەلتىرىلدى، اۋلالار اباتتاندىرىلدى، التى كوشەدە تەحنيكالىق تروتۋار توسەۋ جۇمىستارى جۇرگىزىلدى. اباي داڭعىلىندا ءبولۋ جولاعىن اباتتاندىرۋ اياقتالدى. جاڭعىرتۋ بايزاقوۆ كوشەسىنەن تۇرعىت ءوزال كوشەسىنە دەيىنگى ۇزىندىعى 3 شاقىرىمعا جۋىق ۋچاسكەنى قامتىدى. توسەنىشتەر توسەلدى، اۆتوماتتى سۋارۋ جۇيەسى، بەسەدكالار ورناتىلدى، سونىمەن قاتار جارىقتاندىرۋ تولىعىمەن جاڭارتىلدى. بارلىق ۋرنالار، ورىندىقتار اۋىستىرىلدى، سونداي-اق قالا تۇرعىندارىنىڭ جايلى دەمالۋىنا ارنالعان شاعىن ساۋلەت پىشىندەرى مەن اتكەنشەكتەر ورناتىلدى. كوگالدار تولىعىمەن جاڭارتىلدى، بۇتالار وتىرعىزىلدى.
بيىل اۋداندا «حالىق قاتىساتىن بيۋدجەت» باعدارلاماسى اياسىندا 26 جوبا ىسكە اسىرىلاتىن بولادى.
الماتىدا جەرگىلىكتى تۇرعىندارعا قالالىق ينفراقۇرىلىمدى جاڭارتۋ بويىنشا ءوز يدەيالارىن جۇزەگە اسىرۋعا مۇمكىندىك بەرەتىن «حالىق قاتىساتىن بيۋدجەت» باعدارلاماسى تابىستى ىسكە اسىرىلۋدا. ءۇش جىل ىشىندە مەگاپوليستە 39،1 ملرد تەڭگە سوماسىنا 938 جوبا ىسكە اسىرىلدى.
«حالىق قاتىساتىن بيۋدجەت» باعدارلاماسى قالا تۇرعىندارىنىڭ تىلەكتەرىن ەسكەرە وتىرىپ، جايلى قالالىق ورتانى قۇرۋدىڭ ءتيىمدى قۇرالىنا اينالدى جانە الماتى اكىمدىگى ونىڭ دامۋىن قولداۋعا نيەتتى. قالا اكىمىنىڭ تاپسىرماسى بويىنشا «حقب» جوبالارىنا 2025 جىلعا ارنالعان قالا بيۋدجەتىندە 17،1 ملرد تەڭگە قاراستىرىلعان.