الماتى اكىمى ەربولات دوسايەۆ بوستاندىق اۋدانىندا جاڭا ەمحانالاردى كۇردەلى جوندەۋ جانە سالۋ تۋرالى ايتتى
بوستاندىق اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ دەنساۋلىق ساقتاۋ ينفراقۇرىلىمىنىڭ دامۋى تۋرالى حابارلادى. مەديسينالىق قىزمەتتەردىڭ ساپاسىن ارتتىرۋ ءۇشىن مەديسينالىق وبەكتىلەردىڭ قۇرىلىسى مەن جاڭعىرتىلۋى بەلسەندى جۇرگىزىلۋدە.
2024 جىلدىڭ جەلتوقسانىندا پەريناتولوگيا جانە بالالار كارديوحيرۋرگياسى ورتالىعىنىڭ ەمحاناسىنا كۇردەلى جوندەۋ اياقتالدى. جاڭارتىلعان مەديسينالىق مەكەمە قاۋىپسىزدىك پەن جايلىلىقتىڭ جوعارى ستاندارتتارىنا سايكەس كەلەدى. ەمحانادا كونسۋلتاتيۆتىك-دياگنوستيكالىق بولىمشە، ايەلدەر كونسۋلتاسياسى ورنالاسقان، وندا مەديسينالىق قىزمەتتەردىڭ كەڭ سپەكترى كورسەتىلەدى. ورتاشا العاندا، ەمحانا كۇنىنە 250-دەن استام ناۋقاسقا قىزمەت كورسەتەدى.
وربيتا-2،29ا ءۇي ش/ا ورنالاسقان №4 ەمحانا فيليالىندا كۇردەلى جوندەۋ اياقتالىپ قالدى. پوپوۆ كوشەسى، 23 مەكەنجايىنداعى №12 ەمحانانىڭ نەگىزگى عيماراتىن كۇردەلى جوندەۋ 90%-عا اياقتالدى. جۇمىستى وسى كوكتەمدە اياقتاۋ جوسپارلانۋدا.
سونداي-اق، قالا اكىمى جاڭا ەمحانالاردىڭ قۇرىلىسى تۋرالى حابارلادى.
«الدىڭعى كەزدەسۋلەردە ۋادە ەتىلگەندەي، ناۋرىز ايىندا ءبىز سەركەبايەۆ داڭعىلى مەن ليەۆيتان كوشەسىنىڭ قيىلىسىندا 500 ادام قابىلدايتىن ەمحانا سالۋعا كىرىستىك. جۇمىستاردى اعىمداعى جىلدىڭ قاراشا ايىنىڭ سوڭىنا دەيىن اياقتاۋ جوسپارلانۋدا»، - دەدى ەربولات دوسايەۆ.
بۇدان باسقا، 2025 جىلعى ماۋسىمدا مەملەكەتتىك ساراپتامانىڭ قورىتىندىسىن العاننان كەيىن ءال-فارابي داڭعىلى مەن ساناتورنايا كوشەسىنىڭ قيىلىسىندا 500 ادام قابىلدايتىن ەكىنشى ەمحانانىڭ قۇرىلىسىن باستاۋ جوسپارلانۋدا.
ەكى ەمحانا دا زاماناۋي ستاندارتتارعا ساي بولادى، ولاردا كت جانە مرت اپپاراتتارىمەن جابدىقتالعان كلينيكالىق-دياگنوستيكالىق ورتالىقتار قاراستىرىلعان.
ايتا كەتەيىك، بوستاندىق اۋدانىنىڭ تۇرعىندارىنا ءتورت مەملەكەتتىك ەمحانا قىزمەت كورسەتەدى، ولار: №4، 7، 12، 17، سونداي-اق، مەملەكەتتىك تاپسىرىس بويىنشا جۇمىس ىستەيتىن جەكە مەديسينالىق ورتالىقتار.