بوستاندىق اۋدانىنىڭ اكىمى مەكتەپتەر مەن بالاباقشالار سالۋ ارقىلى قالالىق ورتانىڭ جايلىلىعىن ارتتىرۋدى ۇسىنادى
الماتىنىڭ بوستاندىق اۋدانىندا مەكتەپتەر مەن بالاباقشالار قۇرىلىسى، سونداي-اق جالپى ءبىلىم بەرۋ ۇيىمدارىن كۇردەلى جوندەۋ جالعاسۋدا. بۇل تۋرالى وكق بريفينگىندە اۋدان اكىمى سانجار الين مالىمدەدى، دەپ حابارلايدى اlmaty-akshamy.kz.
بەلگىلى بولعانداي، بۇگىنگى تاڭدا وقۋشى ورنىنىڭ تاپشىلىعى 3679 ورىندى قۇرايدى.
«اۋدان بويىنشا مەكتەپتەردە ورىن تاپشىلىعى پروبلەمالارىن شەشۋ ءۇشىن 8000 ورىندىق 5 جاڭا مەكتەپ سالۋ جوسپارلانعان»، - دەدى س.الين.
«جايلى مەكتەپ» ۇلتتىق جوباسى اياسىندا ءۇش مەكتەپ سالۋ جوسپارلانۋدا: ەگىزبايەۆ،9 مەكەنجايى بويىنشا 2500 ورىندىق مەكتەپ، روزىباكييەۆ – ليەۆيتان كوشەلەرىنىڭ قيىلىسىندا 1500 ورىندىق جانە روزىباكييەۆ-قوجابەكوۆ قيىلىسىندا 2000 بالاعا ارنالعان مەكتەپ.
الەۋمەتتىك جاۋاپكەرشىلىك شەڭبەرىندە «رامس قازاقستان» قۇرىلىس كومپانياسى «رامس سيتي» كپتك اۋماعىندا 2024 جىلدىڭ سوڭىنا دەيىن 2025 جىلدىڭ 2 توقسانىنا دەيىن 1100 ورىندىق مەكتەپ جانە 240 ورىندىق (ءارقايسىسى 120 ورىندىق) 2 بالاباقشا سالاتىن بولادى.
«ادك» سو اۋدانىندا «BAZIS» قۇرىلىس كومپانياسى الەۋمەتتىك جاۋاپكەرشىلىك شەڭبەرىندە قىركۇيەك ايىنان باستاپ 900 ورىندىق مەكتەپ سالۋ ءۇشىن «كونكريت پروداكشن» ج ش س زاۋىتىن بۇزۋدا.
«Bazis-ا» كومپانياسى 300 وقۋشىعا ارناپ № 65 مەكتەپكە قوسىمشا قۇرىلىس سالۋدى اياقتادى. سونداي-اق، سويلەۋ قابىلەتى ناشار بالالارعا ارنالعان №9 ارنايى تۇزەتۋ مەكتەپ-ينتەرناتىندا 120 ورىندىق تاماق جانە وقۋ بلوگىنىڭ قۇرىلىسى اياقتالدى. سونداي-اق، وربيتا-3. ش / ا №145 مەكتەپ عيماراتىن قالپىنا كەلتىرۋ جۇمىستارىمەن جانە كۇردەلى جوندەۋمەن سەيسميكالىق كۇشەيتۋ اياقتالۋدا.
بوستاندىق اۋدانىنىڭ اكىمى مەكتەپكە دەيىنگى ءبىلىم بەرۋ سالاسىنداعى احۋال تۋرالى باياندادى. بيىل قوسىمشا 603 ورىندىق 15 جەكەمەنشىك بالاباقشا اشىلدى. اۋداندا بارلىعى 31 مەملەكەتتىك جانە 73 جەكەمەنشىك بالاباقشا جۇمىس ىستەيدى.
«اكۆارەل» تك-دە 300 ورىندىق №189 بالاباقشا پايدالانۋعا بەرىلدى. سونداي-اق، «وربيتا-3» ش/ا بۇرىنعى №1 بالالار ءۇيىنىڭ عيماراتىن 480 ورىندىق بالاباقشا قىلىپ قايتا قۇرۋ تۋرالى شەشىم قابىلداندى.
ناۋاي كوشەسىندەگى №113 بوبەكجاي عيماراتىن سەيسميكالىق كۇشەيتە وتىرىپ،قالپىنا كەلتىرۋ جۇمىستارى مەن كۇردەلى جوندەۋ اياقتالادى.