ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ الماتى وبلىسىندا ءبىرقاتار جوبالاردىڭ ىسكە اسىرىلۋ بارىسىمەن جانە ماڭىزدى گيدروتەحنيكالىق قۇرىلىستاردىڭ جاي-كۇيىمەن تانىستى.
الدىمەن ۇيعىر اۋدانىنداعى جەرگىلىكتى سۋارۋ جەلىلەرىن قالپىنا كەلتىرۋ جۇمىستارىن باقىلادى،دەپ حابارلايدى Almaty-akshamy.kz مينيسترلىكتىڭ رەسمي سايتىنا سىلتەمە جاساپ.
مينيستر الماتى وبلىسىنىڭ بولىنۋىنە بايلانىستى وبلىستىق اكىمدىكپەن بىرلەسىپ «قازسۋشار» رمك «جەتىسۋ» فيليالىنىڭ وبەكتىلەرىن د.قونايەۆ اتىنداعى ۇلكەن الماتى كانالىنىڭ بالانسىنا نەمەسە الماتى وبلىسىنىڭ كوممۋنالدىق مەنشىگىنە بەرۋ تۋرالى تاپسىرما بەردى. سونداي-اق، «جەتىسۋ» فيليالىنىڭ بالانسىنداعى ۇيعىر اۋدانىنداعى ەكى اپاتتى سۋ قويماسىن رەكونسترۋكسيالاۋ بويىنشا جوبالىق-سمەتالىق قۇجاتتاما ازىرلەۋدى تاپسىردى.
ودان ءارى بارتوعاي سۋ قويماسىنىڭ نەگىزگى قۇرىلىستارىن – اۆتوماتتى سۋ جىبەرۋ، كونۋستىق بەكىتپەلەر مەن ىسىرمالاردى قاراپ شىقتى. بارتوعاي سۋ قويماسىنا 1983 جىلى پايدالانۋعا بەرىلگەننەن بەرى تولىق رەكونسترۋكسيا جۇرگىزىلمەگەن. نۇرجان نۇرجىگىتوۆ نىساننىڭ جوبالاۋ-سمەتالىق قۇجاتتاماسىن ازىرلەۋدى جەدەلدەتۋدى تاپسىردى. جسق ازىرلەۋ كەزىندە قازىرگى ۋاقىتتا «قازگيپروسۋشار» ينستيتۋتى جۇرگىزىپ جاتقان كوپ فاكتورلى زەرتتەۋ قورىتىندىلارىن ەسكەرۋ قاجەت ەكەنىن اتاپ ءوتتى.
مينيستر ۇلكەن الماتى كانالىنىڭ باس عيماراتىنا باردى. نۇرجان نۇرجىگىتوۆ ماگيسترالدىڭ توزۋىنا بايلانىستى سۋدى اۆتوماتتى ەسەپكە الۋ جۇيەسىن ەنگىزە وتىرىپ، كانالدى كەزەڭ-كەزەڭىمەن رەكونسترۋكسيالاۋعا كىرىسۋدى تاپسىردى. ودان كەيىن ۇلكەن الماتى كانالىنىڭ اپاتتى ۋچاسكەلەرىن رەكونسترۋكسيالاۋ جوسپارىمەن تانىستى.
«نىسان الماتى وبلىسى مەن الماتى قالاسىنىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن وتە ماڭىزدى. سوندىقتان قۇرىلىس-مونتاجداۋ جۇمىستارىن باستاۋ ءۇشىن قاجەتتى قۇجاتتاردى الۋدى جەدەلدەتۋ جانە ءىس جۇزىندە ولاردى ورىنداۋعا كىرىسۋ قاجەت»،- دەدى نۇرجان نۇرجىگىتوۆ.
جۇمىس ساپارى اياسىندا مينيستر نۇرا توپتىق سۋ قۇبىرىنىڭ «الاتاۋ» فيليالى نىساندارىنىڭ قىزمەتىمەن تانىستى. ءتيىمدى باسقارۋعا قول جەتكىزۋ ءۇشىن «الاتاۋ» فيليالىنىڭ توپتىق سۋ قۇبىرلارىن جەرگىلىكتى اتقارۋشى ورگانداردىڭ بالانسىنا بەرۋ تۋرالى شەشىم قابىلداندى.
نۇرجان نۇرجىگىتوۆ الماتى وبلىسىنا جۇمىس ساپارىنىڭ سوڭىندا «قازسۋشار» رمك د.قونايەۆ اتىنداعى «ۇلكەن الماتى كانالى» فيليالىنىڭ اكىمشىلىك باسقارماسىنا باردى. فيليال ۇجىمىمەن كەڭەس وتكىزىپ، جاڭادان قۇرىلعان سۋ جانە يرريگاسيا مينيسترلىگىنىڭ مىندەتتەرى مەن نەگىزگى باعىتتارىمەن تانىستىردى.