بۇل تۋرالى الماتى اكىمى ەربولات دوسايەۆ اۋدان تۇرعىندارىمەن كەزدەسۋدە ايتتى.
اۋدان تۇرعىندارىنا كوممۋنالدىق قىزمەت كورسەتۋ ساپاسى جاقسارادى، دەپ حابارلايدى Almaty-akshamy.kz
قالا باسشىسىنىڭ ايتۋىنشا، 25 كم ينجەنەرلىك جەلى جاڭارتىلادى. 6 كم-دەن استام سۋ قۇبىرى جەلىسى مەن 0،9 كم جىلۋ تراسساسى رەكونسترۋكسيالانادى، 16،5 كم جوعارى ۆولتتى ەلەكتر كابەل جەلىسى مەن 1،5 كم جەراستى گاز قۇبىرى جوندەلەدى. وسى جىلدىڭ ماۋسىم ايىنان باستاپ 2024 جىلدىڭ ساۋىرىنە دەيىن اۋدانعا قوسىلعان اۋماقتارداعى 47،2 كم ەلەكتر جەلىسى جاڭارتىلادى. بۇل 150 مىڭعا جۋىق تۇرعىندى ساپالى سۋمەن جانە جىلۋمەن قامتاماسىز ەتۋگە مۇمكىندىك بەرەدى.
سونىمەن قاتار، اكىم تۇرعىنداردىڭ اشۋىن تۋدىرعان قىزمەت كورسەتۋشى بويىنشا اكىمدىك جۇرگىزگەن جۇمىستى اتاپ ءوتتى.
«ەلەكترمەن جابدىقتاۋ، سۋمەن قامتۋ جانە سۋ بۇرۋ قىزمەتتەرىن ساپاسىز كورسەتۋگە قاتىستى ايتسام، «ەرمەنساي» شاعىناۋدانىنىڭ تۇرعىندارىنا «گورودسكوە پرەدپرياتيە ۆودوسنابجەنيا ۆودسناب» ءجشس-نىڭ (بۇرىنعى «ورحان» ج ش س) ۇزىندىعى 4،2 كم ەلەكتر جەلىسىن قالانىڭ بالانسىنا وتەۋسىز بەرۋ تۋرالى شەشىم قابىلداندى. كومپانياعا وزىنە 120 ملن تەڭگە ايىپپۇل سالىندى»، - دەدى اكىم ەربولات دوسايەۆ.