مەديسينالىق مەكەمەلەرگە تۇسەتىن جۇكتەمەنى ازايتۋ ماقساتىندا بيىل 5 دەنساۋلىق ساقتاۋ وبەكتىسىن سالۋ، رەكونسترۋكسيالاۋ جانە كۇردەلى جوندەۋ جوسپارلانىپ وتىر. بۇل تۋرالى الماتى اكىمى ەربولات دوسايەۆ بوستاندىق اۋدانى تۇرعىندارىمەن كەزدەسۋدە ايتتى.
ونىڭ ىشىندە، ءارقايسىسى 500 ورىندىق 2 جاڭا ەمحانا سالۋ كوزدەلگەن. ءال-فارابي داڭعىلى مەن سىرعابەكوۆ كوشەسىنىڭ قيىلىسىنداعى ءبىرىنشى ەمحانا ءۇشىن جوبالاۋ-سمەتالىق قۇجاتتاما ازىرلەۋ وسى جىلدىڭ اقپان ايىندا باستالدى. مەملەكەتتىك ساراپتامانى جىل سوڭىنا دەيىن الۋ كۇتىلۋدە.
ەكىنشى ەمحانا گاگارين داڭعىلى مەن ليەۆيتان كوشەسىنىڭ قيىلىسىندا ورنالاسادى. جوبالاۋ-سمەتالىق قۇجاتتاما ناۋرىز ايىندا باستالدى. №4 جانە №12 ەمحانالار كۇردەلى جوندەۋدەن وتەدى. قۇرىلىس-مونتاجداۋ جۇمىستارى 2023 جىلدىڭ قازان ايىندا باستالادى 500 ورىندىق قالالىق ورتالىق كلينيكالىق اۋرۋحانانىڭ جاڭا كورپۋسىن سالۋ جوسپارلانۋدا. قۇرىلىس-مونتاجداۋ جۇمىستارىن ورىنداۋ 2024 جىلدىڭ II توقسانىنا جوسپارلانعان.