ەلىمىزدىڭ ازاماتتارى قانداي جۇمىس ىزدەيدى؟
Olx.kz ونلاين-حابارلاندىرۋلار قىزمەتىنىڭ ساراپشىلارى قازاقستاننىڭ ەڭبەك نارىعىن زەرتتەدى، دەپ حابارلايدى Almaty-akshamy.kz
"ءبىر جىل ىشىندە قاشىقتان جۇمىستى ىزدەۋشىلەردىڭ سانى 32%-عا وسكەن، ال مۇنداي جۇمىس ۇسىنۋشىلار، كەرىسىنشە، 2%-عا قىسقارعان. سونداي-اق قازاقستاندىقتاردىڭ ەركىن گرافيكتەگى جۇمىسقا سۇرانىسى 45%-عا ارتقان. ادامدار جوبالىق جانە ۋاقىتشا جۇمىستارعا 47%-عا كوبىرەك قىزىعا باستاعان.
پاندەميانىڭ اسەرىنەن جۇرتشىلىق كەيىن دە ەركىن گرافيكتەگى جۇمىستى كوبىرەك ىزدەيتىن بولعان، ءبىراق جۇمىس بەرۋشىلەر بىرتىندەپ بۇرىنعى قالىپقا كوشۋگە تىرىسۋدا"، – دەيدى ساراپشىلار.
ولاردىڭ ايتۋىنشا، 2021 جىلى ەڭ سۇرانىسقا يە ماماندار تىزىمىنە جۇرگىزۋشى (23%)، ساتۋشى (20%) جانە اسپاز (14%) كىرگەن.
جۇمىس ىزدەۋ بويىنشا ەڭ تانىمال كۇن – دۇيسەنبى بولسا، بوس جۇمىس ورنى تۋرالى حابارلاندىرۋلار كوبىنە سەيسەنبىدەن باستاپ شىعادى.