بورجومي سۋ تاسقىنىنان زارداپ شەككەن قازاقستاندىق بالالاردى قوناق ەتپەك

گرۋزيانىڭ بورجومي قالاسى ءبىزدىڭ ەلدەگى تابيعي اپاتتان زارداپ شەككەن وتباسىلاردىڭ بالالارىنا توسىن سىي ازىرلەدى.

جەرگىلىكتى كۋرورتتار قازاقستاندىق وقۋشىلاردى وڭالتۋ كۋرسىنان ءوتىپ، ۇمىتىلماس دەمالىس وتكىزۋگە شاقىرىپ وتىر. اسەم تاۋلار، نۋ ورمان مەن تابيعي مينەرالدى سۋلار. ەلىمىزدە تاسقىننان زارداپ شەككەن بالالاردى گۇرجى ەلىنىڭ تۇمسا تابيعاتى كۇتىپ تۇر. تانىمال كۋرورتتار قازاقستاندىق بالالاردى قوناققا شاقىرۋدا، دەپ حابارلايدى Almaty-akshamy.kz 24.kz-كە سىلتەمە جاساپ. 

«قازاقستاندا وسىنداي قايعىلى جاعداي بولىپ جاتقانى وتە وكىنىشتى. ءبىز ونى اۋىر قابىلدادىق. بىلتىر عاسىرلار بويى جالعاسىپ كەلە جاتقان دوستىعىمىزدى ودان ءارى نىعايتاتىن قۇجاتتى بەكىتكەن ەدىك. سوعان ساي قول ۇشىمىزدى سوزۋعا دايىنبىز. اتاپ ايتقاندا، بالالاردى وڭالتۋ باعدارلاماسىنان وتكىزۋدى ۇسىنىپ وتىرمىز. جوسپارىمىز - تابيعي اپاتتان زارداپ شەككەن بالالاردى وسىندا اكەلىپ، كوڭىلدەرىن اۋلاپ، قالامىزدى كورسەتۋ»، - دەيدى بورجومي قالاسىنىڭ مەرى وتار اربوليشۆيلي.

بورجومي بيلىگى شاھارعا قازاقستاندىق 20 بالانى شاقىرىپ وتىر. 10 كۇنگە سوزىلاتىن دەمالىسقا بالالار مەن ولاردى الىپ جۇرۋشىلەر ۇشاق ارقىلى الدىمەن كۋتايسي قالاسىنا اتتانادى. كەيىن اۆتوبۋسپەن شيپاجايعا بەت الادى.