بورانبايەۆتىڭ تۋىسى قما قىزمەتكەرلەرىنە پارا ۇسىنعان

30 قىركۇيەكتە قايرات بورانبايەۆقا قاتىستى ءىستى تەرگەۋ اياقتالدى

قارجىلىق مونيتورينگ اگەنتتىگىنىڭ (قما) جەكە قاۋىپسىزدىك دەپارتامەنتى جۇرگىزگەن جەدەل ءىس-شارانىڭ ناتيجەسىندە اگەنتتىكتىڭ جەكەلەگەن قىزمەتكەرلەرىنىڭ سىبايلاس جەمقورلىق قۇقىق بۇزۋشىلىق جاساۋ فاكتىسى انىقتالدى، دەپ حابارلايدى Almaty-akshamy.kz.

«ماسەلەن، تەرگەۋمەن قاماۋعا الىنعان ق.س. بورانبايەۆتىڭ تۋىسى – ا.ت. بورانبايەۆتىڭ جەدەل بولىمشەلەردىڭ جەكەلەگەن قىزمەتكەرلەرىنە زاڭسىز سىياقى بەرۋ فاكتىسى اشكەرەلەندى»، - دەلىنگەن حابارلامادا.

سوت ا.ت. بورانبايەۆقا جانە ەكى قىزمەتكەرگە قاتىستى قما ءوتىنىشى بويىنشا قاماۋدا ۇستاۋ تۇرىندەگى بۇلتارتپاۋ شاراسىنا سانكسيا بەردى.

قازىرگى ۋاقىتتا قما جەكە قاۋىپسىزدىك دەپارتامەنتى سوتقا دەيىنگى تەرگەپ-تەكسەرۋدى جۇرگىزۋدە.

«قىلمىستىق-پروسەستىك كودەكستىڭ 201-بابىنىڭ تالاپتارىنا سايكەس، وزگە اقپارات جاريا ەتىلۋگە جاتپايدى»، - دەلىنگەن قارجىلىق مونيتورينگ اگەنتتىگىنىڭ باسپا ءسوز قىزمەتى تاراتقان مالىمەتتە.

17 ناۋرىزدا قازاقستاندىق كاسىپكەر قايرات بورانبايەۆتىڭ ۇستالعانى بەلگىلى بولدى. قارجى مونيتورينگى اگەنتتىگى كۆازيمەملەكەتتىك سەكتوردا اسا ءىرى مولشەردە قاراجات ۇرلاۋ فاكتىسى بويىنشا قىلمىستىق ءىستى تەرگەپ جاتىر.

30 قىركۇيەكتە قايرات بورانبايەۆقا قاتىستى ءىستى تەرگەۋ اياقتالدى.

23 قاراشادا كاسىپكەردى قاماۋعا ۇستاۋ مەرزىمى تاعى ەكى ايعا ۇزارتىلدى.