باس بوستاندىعىنان ايىرۋ جازاسىنىڭ وتەلمەگەن بولىگى باس بوستاندىعىن شەكتەۋ تۇرىندەگى جازاعا اۋىستىرىلعان قايرات بورانبايەۆ 2023 جىلعى 6 قاراشادا باس بوستاندىعىنان ايىرۋ ورىندارىنان بوساتىلىپ، تۇرعىلىقتى جەرى بويىنشا جازاسىن وتەۋ ورنىنا جىبەرىلگەن.
مەكەمە اكىمشىلىگى سوتتالۋشىعا تىركەۋ ءۇشىن پروباسيا قىزمەتىنە كەلۋ باعىتى مەن ۋاقىتىن كورسەتە وتىرىپ، جازاسىن وتەۋ ورنىنا كەتۋگە ۇيعارىم بەرەدى، سونداي-اق ونى سيپاتتايتىن ماتەريالداردى پروباسيا قىزمەتىنە جىبەرەدى.
ۇكىمدى اۋىستىرۋ كەزىندە كەلەسى ءمان-جايلار ەسكەرىلدى:
- سوتتالعان ادام جازا مەرزىمىنىڭ 1/3 بولىگىن (2 جىل 4 اي 5 كۇن) وتەدى؛
- مەملەكەتكە كەلتىرىلگەن زالالدى تولىعىمەن وتەپ، تەرگەۋگە كومەكتەستى جانە ىسىنە وكىنەدى؛
- قاماۋدا ۇستاۋ كەزىندە وعان وڭ سيپاتتاما بەرىلدى.
بورانبايەۆ نە ءۇشىن قامالدى؟
قايرات بورانبايەۆ 2022 جىلدىڭ ناۋرىزىندا قاماۋعا الىندى. سوت سول جىلدىڭ جەلتوقسانىندا باستالدى.
تەرگەۋ مالىمەتىنە سايكەس، قايرات بورانبايەۆ ءوزىنىڭ سەنىمدى ادامى رومان ناحانوۆپەن، يبۋللا سەردى جانە تايىر جانۇزاقپەن («QazaqGaz» ۇك» اق باس ديرەكتورىنىڭ ەكونوميكا جانە قارجى بويىنشا ورىنباسارى) بىرگە 2019 جىلدىڭ 1 شىلدەسىنەن 2022 جىلدىڭ 11 اقپانىنا دەيىن «ازياگازچۋندجا» ج ش س مەن «QazaqGaz» ۇك» اق اراسىندا كەلىسىمگە كەلگەن، كومپانيا 2 ملن 26 مىڭ 419 تەكشە مەتر گازدى 141 681 676 272 تەڭگەگە جەتكىزۋگە كەلىسكەن.
كەلىسىمگە سايكەس «QazaqGaz» ۇك» اق بورانبايەۆ كومپانياسىنا كورسەتىلگەن سومانى اۋدارعان. سوتتا كاسىپكەرلەردىڭ گازدى ارزانعا ساتىپ الۋعا بولاتىنىنا قاراماستان، مەملەكەت قاراجاتىن جۇمساعانىن انىقتادى.
سوت-ەكونوميكالىق ساراپتامانىڭ قورىتىندىسىنا سايكەس، «ازياگازچۋندجا» جشس-دان «QazaqGaz» ۇك» اق ساتىپ العان گازدىڭ قۇنى مەن «گازپروم ەكسپورت» جشس-دان «ازياگازچۋندجا» ج ش س ساتىپ العان گازدىڭ قۇنى اراسىنداعى ايىرماشىلىق 14 565 318 010 تەڭگەنى قۇرادى. قىلمىستىق ءىس بويىنشا بۇل سوما تولىق كولەمدە وتەلدى.