سوتتتالعان بورانبايەۆ جازاسى باس بوستاندىعىن شەكتەۋ تۇرىنە اۋىستىرىلدى، دەپ حابارلايدى Almaty-akshamy.kz اقمولا وبلىسى زەرەندى اۋداندىق سوتىنا سىلتەمە جاساپ.
سوت، باس بوستاندىعىنان ايىرىلعان ق. بورانبايەۆتىڭ جازاسىنىڭ وتەلمەگەن بولىگىن باس بوستاندىعىن شەكتەۋگە اۋىستىرىپ، ونىڭ ءوتىنىشىن قاناعاتتاندىردى.
جازانى اۋىستىرۋ كەزىندە سوت كەلەسى جاعدايلاردى ەسكەردى:
- سوتتالعان زاڭدا بەلگىلەنگەن جازا مەرزىمىنىڭ 1\3 بولىگىن (2 جىل 4 اي 5 كۇن) وتەگەن؛
- مەملەكەتكە كەلتىرىلگەن زالالدى تولىعىمەن وتەدى، تەرگەۋ جۇرگىزۋ كەزىندە بەلسەندى جاردەمدەسىپ، جاساعان ىسىنە وكىندى؛
- قاماۋدا بولعان كەزەڭدە وڭ جاعىنان سيپاتتالدى. مەكەمە اكىمشىلىگى ونىڭ ءوتىنىشىن قولداپ، ءتيىستى قۇجاتتاردى سوتقا ۇسىندى.
سوتتىڭ شەشىمىنە سايكەس، بورانبايەۆ پروباسيالىق باقىلاۋدا بولادى.
بۇرىن بورانبايەۆ سوت ۇكىمىمەن مەملەكەتتىك مۇلىكتى جىمقىرۋعا جاردەمدەسكەنى ءۇشىن مۇلكى تاركىلەنىپ، مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلا وتىرىپ، 6 جىلعا باس بوستاندىعىنان ايىرىلعان.
سوت شەشىمى زاڭدى كۇشىنە ەنگەن جوق.