5 شىلدەدەن 3 تامىزعا دەيىن الماتى قالاسىنىڭ الاتاۋ اۋدانىندا بارىس كوشەسىنەن جاۋجۇرەك كوشەسىنە دەيىن بورالداي تاس جولىندا كولىك قوزعالىسى شەكتەلەدى. بۇل اۋماقتا قوزعالىس ەكى باعىتقا دا جابىلادى.
سۋ قۇبىرى مەن كارىز جەلىلەرىن سالۋ بويىنشا جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى. 3،5 كم سۋ قۇبىرى جانە 2،8 كم كارىز جەلىسىن سالىنادى. بۇل جوبانىڭ ارقاسىندا الاتاۋ اۋدانىنىڭ 2،5 مىڭ تۇرعىنى تۇراقتى جەلىلەرمەن قامتىلادى.
ۋاقىتشا قولايسىزدىققا تۇسىنىستىكپەن قاراۋدى جانە كورسەتىلگەن اۋماقتى اينالىپ ءوتۋ جولدارىن الدىن الا قاراستىرۋدى سۇرايمىز.
بيىل بارلىعى 20 نىسان بويىنشا 108،4 كم سۋ قۇبىرى جانە كارىز جەلىسىن (81،1 كم سۋ قۇبىرى جانە 27،3 كم كارىز) سالۋ جوسپارلانعان، بۇل حالىقتىڭ ورتالىقتاندىرىلعان سۋمەن جابدىقتاۋعا قولجەتىمدىلىگىن 99،2%-عا دەيىن ارتتىرۋعا مۇمكىندىك بەرەدى.
ايتا كەتەيىك، جەلىلەردى سالۋ جانە جاڭعىرتۋ جۇمىستارى تۇراقتى نەگىزدە جۇرگىزىلەدى، سەبەبى بۇل قالا تۇرعىندارىنىڭ ءومىر ءسۇرۋ ساپاسىنا تىكەلەي اسەر ەتەدى. مىسالى، بىلتىر ناۋرىزباي، الاتاۋ جانە تۇركسىب اۋداندارىنىڭ 18 شاعىن اۋدانىندا 153،9 كم سۋمەن قامتۋ جانە 118،1 كم سۋ بۇرۋ جەلىسى سالىندى (60 مىڭعا جۋىق ادام قامتىلدى). جۇرگىزىلىپ جاتقان جۇمىستىڭ ارقاسىندا سۋمەن قامتۋ جەلىلەرىنىڭ توزۋى 56،2%-دان 55،8%-عا جانە كارىز جەلىسىنىڭ توزۋى 58%-دان 57،5%-عا دەيىن تومەندەدى. 2022 جىلدىڭ قورىتىندىسى بويىنشا ورتالىقتاندىرىلعان سۋمەن جابدىقتاۋعا قولجەتىمدىلىك 99% بولعان، اعىندى سۋدى تازارتا وتىرىپ حالىقتى قامتۋ 92،7%-عا جەتتى.
الماتى قالاسى ەنەرگەتيكا جانە سۋمەن جابدىقتاۋ باسقارماسى