جابىرلەنۋشى قۇقىق قورعاۋ ورگاندارىنا ەر ادام وزىنە جانە وتباسىنا كۇش كورسەتىپ، ودان 1 ملن تەڭگە بوپسالاعانىن حابارلادى.
200 مىڭ تەڭگە الۋ كەزىندەگى جەدەل-تەرگەۋ ارەكەتتەرىنىڭ ناتيجەسىندە شىعىسقازاقستاندىق جەدەل ۋاكىلدەر بۇرىن سوتتالعان 37 جاستاعى وبلىس ورتالىعىنىڭ تۇرعىنىن ۇستادى. كۇدىكتى ءوز ارەكەتىن مويىنداعان، ونىڭ زاڭسىز ارەكەتتەرىن راستايتىن قولما-قول اقشا تاركىلەندى.
اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر. كۇدىكتىنىڭ مۇلكى تاركىلەنىپ، ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ ءقاۋپى ءتونىپ تۇر.
كۇدىكتى قاماۋعا الىندى. شقو پوليسيا دەپارتامەنتى اتالعان ارەكەتتەر ءۇشىن قىلمىستىق جاۋاپكەرشىلىككە تارتىلاتىنىن ەسكەرتەدى.
كەز-كەلگەن جاعدايدا بوپسالاۋدىڭ قۇربانى بولعان ادامدار قۇقىقتىق قورعاۋ ورگاندارىنا وتىنىشپەن جۇگىنۋى كەرەك، ەڭ ءبىرىنشى قادام ءۇشىن “102” جەدەل ارناسىنا قوڭىراۋ شالۋ جەتكىلىكتى.