وقۋ-اعارتۋ ۆيسە-مينيسترى اراي ورازوۆا بارلىق قاجەتتى دەرەكتەردى توپتاستىرىپ، ونى ازاماتتار ءۇشىن اسا قولايلى ءارى قولجەتىمدى ەتكەن سەرۆيس تۋرالى ايتىپ بەردى.
««Bilim» - بىرنەشە بولىمدەردەن تۇرادى، وندا ءبىلىمى، وقۋدى اياقتاۋى تۋرالى سيفرلىق قۇجاتتارى، قورعانشىلىق جانە قامقورشىلىق تۋرالى اقپارات، بالانىڭ ءپروفيلى جانە ءبىلىم الۋشى تۋرالى قوسىمشا اقپارات قامتىلعان. سونداي-اق پەداگوگتەر ءۇشىن «پەداگوگ پورتفوليوسى» قولجەتىمدى. مۇندا ءمۇعالىمنىڭ ەلەكتروندىق قۇجاتى قالىپتاستىرىلادى، وندا ەڭبەك ءوتىلى، قىزمەت جولى، ساناتى، اتتەستاتتاۋدان ءوتۋى بويىنشا مالىمەتتەر توپتاستىرىلعان»، - دەپ اتاپ ءوتتى ۆيسە-مينيستر.
سونداي-اق سەرۆيستە قولدانۋشىلارعا ءبىلىم بەرۋ ۇيىمدارى مەن قولدانۋشى اراسىنداعى شارتقا ەسق ارقىلى قول قويۋعا مۇمكىندىك بەرىلگەن.
بۇل سەرۆيسكە ءوتۋ ءۇشىن eGov Mobile قوسىمشاسىندا «Bilim» ءبولىمىن تاڭداۋ قاجەت.
ايتا كەتۋ كەرەك، قازىرگى ۋاقىتتا بولىمدەردى ق ر ازاماتتارىنىڭ بىلىمدەرىنە قاتىستى قاجەتتى دەرەكتەرمەن تولتىرۋ جۇمىستارى جالعاسۋدا.