2023 جىلدىڭ سوڭىندا كاسىپكەر بۇرىن قولدانعان سالىق رەجيمى بويىنشا دەكلاراسيا تاپسىرۋى ءتيىس.
2024 جىلدان باستاپ بولشەك سالىقتىڭ ارنايى سالىق رەجيمىن قولدانۋعا رۇقسات ەتىلگەن قىزمەت تۇرلەرىنىڭ تىزبەسى كەڭەيتىلدى، دەپ حابارلايدى اlmaty-akshamy.kz ق ر قم مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.
بۇرىن بۇل تىزبەدە 190 قىزمەت ءتۇرى بولسا، ەندى مۇنداي قىزمەت تۇرلەرى 364-كە جەتتى.
"اتالعان وزگەرىس قازاقستان رەسپۋبليكاسى ۇكىمەتىنىڭ 2023 جىلعى 29 جەلتوقسانداعى №1240 قاۋلىسىمەن قابىلداندى، قاۋلىنىڭ كۇشىنە ەنۋىنىڭ جوسپارلانعان كۇنى – 2024 جىلعى 15 قاڭتار. وسىعان بايلانىستى، بولشەك سالىق رەجيمىنە اۋىسقىسى كەلەتىن سالىق تولەۋشىلەر 2024 جىلعى قاڭتاردا قولدانىلاتىن رەجيم تۋرالى حابارلامانى ۇسىنۋى قاجەت. بۇل حابارلامانى "e-Salyq Business" ءموبيلدى قوسىمشاسى ارقىلى بەرۋگە بولادى"، – دەپ جازىلعان حابارلامادا.
رەجيمدى قولدانۋدىڭ باستالاتىن كۇنى – وسىنداي حابارلاما بەرىلگەن ايدان كەيىنگى ايدىڭ ءبىرىنشى كۇنى (ياعني 2024 جىلعى 1 اقپاندا).
بۇل رەتتە 2023 جىلدىڭ جانە 2024 جىلدىڭ قاڭتار ايىنىڭ قورىتىندىسى بويىنشا كاسىپكەر بۇرىن قولدانعان سالىق رەجيمى بويىنشا دەكلاراسيانى تاپسىرۋى ءتيىس.