اقمولا وبلىسىندا پروكۋرورلار بولماعان توتەنشە جاعدايلاردىڭ سالدارىن جويۋ بويىنشا زاڭسىز جاساسقان شارتتاردى انىقتادى
ءبىرجان سال اۋدانىنىڭ پروكۋراتۋراسى مەملەكەتتىك ساتىپ الۋ سالاسىنداعى زاڭدىلىقتىڭ ساقتالۋىنا تالداۋ جۇرگىزۋ بارىسىندا جەرگىلىكتى اتقارۋشى ورگان 3 ملن. تەڭگەدەن استام سوماعا قىزمەتتىك اۆتوكولىكتەر مەن عيماراتتارعا جوندەۋ جۇمىستارىن جۇرگىزۋگە، كونكۋرس وتكىزبەي، ءبىر كوزدەن مەملەكەتتىك ساتىپ الۋ تۋرالى 3 شارت جاساعانى انىقتالدى. كونكۋرس وتكىزبەۋ سەبەبى رەتىندە، توتەنشە جاعداي سالدارىن جويۋ قاجەتتىلىگىن كورسەتكەن.
الايدا، پروكۋرورلار انىقتاعانداي، ءبىرجان سال اۋدانىنىڭ اۋماعىندا توتەنشە جاعدايلار جاريالانباعان، ياعني مەملەكەتتىك ساتىپ الۋ تۋرالى شارتتار نەگىزسىز جاساسقان.
پروكۋرورلىق قاداعالاۋ اكتىسىن قاراۋ ناتيجەسىندە لاۋازىمدى تۇلعا ايىپپۇل تۇرىندە اكىمشىلىك جاۋاپكەرشىلىككە تارتىلدى.