«بولماعان بالالىق شاق». تاعدىر تاۋقىمەتىن كەشكەن بالا جۇرەكتىڭ بالعىن ارمانى وسىنداي اتاۋمەن تەاتر ساحناسىندا كوپپەن قاۋىشتى، -دەپ حابارلايدى اlmaty-akshamy.kz Almaty.tv-گە سىلتەمە جاساپ.
اۋەل باستا ءبىر شىعارماعا ارقاۋ بولعان بوزبالا عۇمىر ەندى قويىلىم بولىپ كوپكە جول تارتتى. اۋىر جولدا ارمان قۋىپ، جالعىزدىعىمەن ارپالىسقان بالا كوڭىلدىڭ ىشكى ارپالىسى سۋرەتتەلەدى. اكەدەن ايرىلىپ، انادان تىرىدەي جەتىمدىك كورگەن اقوش – باستى كەيىپكەر. ال باستى كەيىپكەر – باسقا قويىلىمداعىداي كوركەم قيالدىڭ تۋىندىسى ەمەس، ومىردە بار، قوعامدا ورنى ايقىن اقىننىڭ ءوزى.
«مەن رەجيسسەرگە ەركىندىك بەردىم، ءوزىم ارالاسقان جوقپىن. ءار رەجيسسەردىڭ كوزقاراسى بار. مەن ءوزىم دە تولقىپ تۇرمىن. شىنىن ايتقانداي، مۇنداي بەستسەللەر بولادى دەپ ويلاعان جوقپىن»، – دەدى اقىن، قازاقستان جازۋشىلار وداعى باسقارما ءتوراعاسىنىڭ ءبىرىنشى ورىنباسارى اقبەرەن ەلگەزەك.
«بولماعان بالالىق شاق» كىتاپ رەتىندە كوپكە جول تارتىپ، قازاقى بەستسەللەرگە اينالعان ەدى. جالپى وقىرمان قاۋىم ۇزدىك دەپ باعالاعان تۋىندىنى ساحنالاۋ 3 جىل بۇرىن جوسپارلانعان.
«اكتەرلەرگە 3 اي بۇرىن ءرول بەرىلدى. سودان كەيىن 1 اي رەپەتيسيا ءجۇردى. باستى رولدە وينايتىن اكتەرگە 6 اي بۇرىن ايتىلعان»، – دەدى قويۋشى رەجيسسەر فارحاد مولداعالي.
جانارعا جاس كەلتىرىپ، جۇرەكتى قوزعاي تۇرا، جاقسى كۇندەردەن كۇدەر ۇزبەۋگە ۇيرەتكەن قويىلىمىنىڭ پرەمەراسىنا كەلگەن كورەرمەننىڭ قاراسى قالىڭ. ءبىر ادام تاعدىرى ارقىلى قوعامنىڭ بەينەسىن اشقان قويىلىمنىڭ باستى جەتىستىگى – ونىڭ شىنايىلىعى.