2023 جىلدىڭ اقپان ايىندا ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتەرىندە جالپى سالماعى 83،0 كەلى 2 653 التىن قۇيما ساتىلدى.
2017 جىلى حالىققا تازارتىلعان التىن قۇيمالاردى ساتۋ باعدارلاماسى ىسكە قوسىلعان ەدى. باعدارلاما قولعا الىنعالى جالپى سالماعى 4،0 توننا 117 862 التىن قۇيما ساتىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
التىن قۇيمالار بەس ءتۇرلى سالماقتا ۇسىنىلادى: 5، 10، 20، 50 جانە 100 گ. ساتىپ الۋشىلار اراسىندا وتە جوعارى سۇرانىسقا يە ءتۇرى – 10 گرامدىق قۇيما. جالپى ساتىلعان قۇيمالار اراسىندا ونىڭ ۇلەسى 26% – 30 542 دانا. ودان كەيىن 5 گرامدىق التىن قۇيما – 26 348 دانا (22%)، 100 گرامدىق قۇيما – 23 975 دانا (20%)، 20 گرامدىق قۇيما – 23 336 دانا (20%) جانە 50 گرامدىق قۇيما – 13 661 دانا (12%). التىن قۇيمالار الماتى، استانا جانە اتىراۋ قالالارىندا كوپ ساتىلادى.
بۇل رەتتە، التىن قۇيمالار سەنىمدى ينۆەستيسيا قۇرالى بولا الادى. التىن قۇيمالار نارىعىنداعى وتىمدىلىكتىڭ باستى كەپىلى – بانك پەن بانكتىك ەمەس ايىرباستاۋ پۋنكتەرى كليەنتكە اقشانى سول كۇنى تولەي وتىرىپ، قۇيمالاردى كەرى ساتىپ الا الادى.
باعدارلاما جۇزەگە اسقالى ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتەرى جالپى سالماعى 496،2 كەلى 19 724 التىن قۇيمانى كەرى ساتىپ العان، بۇل جالپى ساتىلعان قۇيمالاردىڭ 17%-ىن قۇرايدى. كەرى ساتىپ الىنعان التىن قۇيمالاردىڭ بارلىعى ۇلتتىق بانكتىڭ فيليالدارى ارقىلى حالىققا ساتىلادى.