الماتى اكىمدىگى «الماتى – ادامدار ءۇشىن جاھاندىق قالا» باعدارلاماسىنا قاتىستى الماتى قالالىق ءماسليحاتىنداعى AMANAT پارتياسىنىڭ دەپۋتاتى بولات سادىقوۆ پىكىر ءبىلدىردى، دەپ حابارلايدى اlmaty-akshamy.kz.
«الماتى اكىمى ەربولات اسقاربەك ۇلى دوسايەۆ شاھار تۇرعىندارىنا ۇندەۋ جاساپ، «الماتىنىڭ 2025 جىلعا دەيىنگى دامۋ جوسپارىنىڭ نەگىزگى باسىمدىقتارى مەن 2030 جىلعا دەيىنگى ورتا مەرزىمدى پەرسپەكتيۆالارى» كورسەتىلگەن «الماتى – ادامدار ءۇشىن جاھاندىق قالا» باعدارلاماسىن ۇسىندى. قالامىزدىڭ كوركەيۋى ءۇشىن الماتىلىقتاردىڭ پىكىرى وتە ماڭىزدى. قالا تۇرعىندارى باعدارلامامەن تانىسىپ، ءوز ۇسىنىسىن «الماتىنى دامىتۋ ورتالىعىنىڭ» سايتىندا 2022 جىلدىڭ 1 شىلدەسىنە دەيىن قالدىرا الادى.
قالا تۇرعىنى، مەديسينا قىزمەتكەرى، AMANAT فراكسياسىنىڭ مۇشەسى جانە ءماسليحات دەپۋتاتى رەتىندە اسەم قالامىزدى دامىتۋ ءۇشىن، بۇگىنگى تاڭدا قالانىڭ جاڭا اۋداندارىنا قاتىستى ءبىرقاتار ءوندىرىس سالالارىن، مەديسينا جانە ءبىلىم ورتالىقتارى، بالاباقشالاردىڭ اشىلۋى، سونىمەن قاتار قوعامدىق كولىك جانە ءتۇرعىن-ۇي كوممۋنالدىق شارۋاشىلىق ماسەلەلەرى كوتەرىلگەنى مەنى قۋانتادى.
باعدارلامادا بارلىق قالا تۇرعىنى ءۇشىن الەۋمەتتىك يگىلىكتەرگە تەڭ قول جەتكىزۋ بويىنشا شارالار كوزدەلگەن. ينكليۋزيۆتىلىكتى، الەۋمەتتىك ورنىقتىلىقتى ارتتىرۋ ءۇشىن مەگاپوليستە 5 باستاما ىسكە اسىرىلادى. وسىنداي اشىق تۇردە كوپشىلىكپەن اقىلداسىپ، قابىلدانعان جوسپاردىڭ ناتيجەسى قالامىز ءۇشىن، تۇرعىندارى ءۇشىن وڭدى بولاتىنىنا سەنىمدىمىن!» – دەدى بولات سادىقوۆ.
قالا تۇرعىندارى باعدارلامامەن تانىسىپ، ءوز ۇسىنىسىن «الماتىنى دامىتۋ ورتالىعىنىڭ» سايتىندا 2022 جىلدىڭ 1 شىلدەسىنە دەيىن قالدىرا الادى.