ماماندىقا قاتىستى پايدالى كەڭەستەر
ءقازىر الەم وزگەرۋدە، كەلەشەكتەگى ماماندىقتار ءتىپتى باسقا بولۋى ىقتيمال، دەپ حابارلايدى Almaty-akshamy.kz Miridei.com سايتىنا سىلتەمە جاساپ.
2021 جىلى مەيىربيكەلەر، تاربيەشىلەر جانە ەلەكتروندى ساۋدانىڭ ماماندارى ەڭ كوپ سۇرانىسقا يە بولۋدا. سول سياقتى الداعى ۋاقىت ءبىزدى باسقا ارناعا قاراي بۇرۋى مۇمكىن.
بۇگىندە عىلىمي تەحنولوگيانىڭ دامۋىنا كوز ىلەسپەيدى. بولاشاقتا ساندىق ماركەتينگ، VR قىزمەتتەرى جانە جالپىعا ورتاق ساقتاندىرۋ سالاسىنداعى قىزمەتتەرگە قىزىعۋشىلىق ارتپاق.
سونىمەن، الدا سۇرانىسقا يە بولا الاتىن ماماندىقتاردىڭ بىرنەشەۋىن قاراستىرايىق.
نۋتريسيولوگ
كەلەشەكتە تاعامتانۋ سالاسىنداعى كەڭەسشى مامان بولادى. ول نۋتريسيولوگيا سالاسىنداعى ەمدىك شارالار مەن پايدالى كەڭەستەر بەرەتىن كەڭەسشى قىزمەتتەرىن قوسا اتقارادى.
جوعارى بىلىكتىلىك پەن مول تاجىريبەسىن قولدانىپ، ولار اۋرۋحانالاردا (مەملەكەتتىك جانە جەكە)، امبۋلاتورلىق-ەمحانالىق مەكەمەلەردە، عىلىمي-زەرتتەۋ ينستيتۋتتارىندا جانە ت.ب ورىنداردا جۇمىس ىستەۋى مۇمكىن.
ۆيرتۋالدى الەم ديزاينەرى
ۆيرتۋالدى شىنايى ءومىردى تەز الماستىرادى. تەك VR كوزىلدىرىگىن كيىپ، ءسىز كەز كەلگەن قيالدار ورىندالاتىن پاراللەل الەمگە تەلەپورتاسيا جاساي الاسىز. كەيبىر ەلدەردە عىلىم مەن تەحنيكانىڭ بۇل تاڭعاجايىپ جەتىستىگى بۇرىنعىدان جاڭا دەڭگەيگە كوتەرىلۋدە. ۆيرتۋالدى الەم نەعۇرلىم جارقىن جانە اسەم بولسا، وندا ءسىز سوندا سونشالىقتى ۇزاق بولعىڭىز كەلەدى. بۇل الەمنىڭ اتموسفەراسىن ديزاينەرلەر نەمەسە ۆەبساۋلەتشىلەر جاسايتىن بولادى.
ويىن پەداگوگى
دۇنيەدە ءبىلىم بەرۋ سالاسى ءجيى وزگەرىستەرگە ۇشىرايدى. ونىڭ ماقساتى ءبىر عانا. ياعني زامانعا ساي بولۋ. پروگرەسسيۆتى مۇعالىمدەر بالالاردىڭ نازارىن وقۋعا اۋدارۋ ءۇشىن ءقازىردىڭ وزىندە تەلەفون قوسىمشالارىن، تانىمال ويىندار نەمەسە قوراپتار ارقىلى ءتۇرلى تاسىلدەردى قولدانادى. اتالعان ويىن پەداگوگيكاسى ويىن مەن كلاسسيكالىق وقىتۋدى بىرىكتىرەدى. بۇل تاقىرىپتىق نۇسقاۋلىقتاردى ازىرلەۋدە نەمەسە بالالارمەن تىكەلەي جۇمىس جاساۋدا ءوز اسەرىن بەرمەك.
كوۆيد-مەنەدجەر
كوۆيد-19 ۆيرۋسىنىڭ الەمدە قارقىندى تارالۋىنىڭ ەكى جىلىندا كومپانيالار، مەكەمەلەر، جۇمىس ورىنداردىڭ ۇيىمدىق قۇرىلىمى ايتارلىقتاي وزگەردى. سول سەبەپتى - كوۆيد-مەنەدجەر نەمەسە «دەنساۋلىق ساقتاۋ سالاسىنداعى ايماقتىق ورگانمەن ۇنەمى ءوزارا ارەكەتتەسەتىن، اۋرۋدىڭ الدىن الۋ جانە باقىلاۋ شارالارىن ۇيلەستىرۋشى» دەگەن مامان پايدا بولۋى ىقتيمال. كوۆيد-مەنەدجەر پاندەميا كەزىندە قىزمەتكەرلەردىڭ قاۋىپسىزدىك شارالارىن ساقتاۋىن قاداعالايدى. سونداي-اق ازاماتتاردى ۋاقتىلى قاراپ، تەكسەرۋدەن وتكىزۋدى ۇيىمداستىرادى.
الداعى زاماننىڭ ماماندىقتارى بۇدان دا وزگەشە، ءتىپتى ءبىز ەلەستەتە المايتىن سەنساسيالارعا تولى بولۋى دا عاجاپ ەمەس.