بولاشاققا كىم كەرەك؟

زامان - ەپتىنىڭ ىعىندا

زاماننىڭ دامۋىنا كوز ىلەسپەيدى. ايگىلى Amazon كومپانياسىنىڭ نەگىزىن سالۋشى دجەف بەزوستىڭ ايتۋىنشا، كەلەشەك مۇلدە باسقاشا اۋرادا كۇن كەشپەك.

جاھان ءداپ ءقازىر پاندەميا جاعدايىندا ءومىر ءسۇرىپ جاتىر. ءبارى جىلدام. ءبارى قارقىندى جۇرۋدە. جاڭالىقتار بىر-بىرىنەن اسىپ، وركەنيەتتە جارىستىڭ باستالعالى قاي زامان؟!

سوڭعى ۋاقىتتارى «ونلاين» تەرمينى قولدانىسقا ەندى. 1،5 جىلدان بەرى وسى ءسوزدىڭ ءقادىرى ارتىپ بارا جاتقانىن بايقايمىز.

ساراپشىلار دەرەگىنشە، ونلاين تولەم جاسۋشىلاردىڭ پايىزى ارتقان. شامامەن 90%. بۇل ءبىر جاعىنان وتە ءتيىمدى. وتە ىڭعايلى. اسىرەسە، قالالىق جەردە QR تولەيدى. ويتكەنى «بونۋس» تۇسەدى. كوپشىلىگىمىز وسىلاي تولەۋگە ۇرەندىك. بالكىم، بۇل دا زاماننىڭ العا كەتكەندىگىن بىلدىرەر.

ءتيىمدى جاقتارى وتە كوپ. ەڭ باستىسى، ۋاقىت ۇنەمدەلەدى. الگىندە ايتقان «بونۋس» ماسەلەسى بار. ياعني، قولما-قول قارىمتا ىزدەپ جاتپايسىز. كەز كەلگەن زاتتى نەمەسە تاۋاردى الەمنىڭ ءار تۇكپىرىنەن الدىرۋعا بولادى. جەتكىزۋ كوبىنە تەگىن.

مىسالى، شەتەلدە وقىعاندارعا تىم ىڭعايلى. وقۋ اقىسىن وسى جاقتان تولەي الادى. وقۋىن دا وسى جاقتان وقىپ، اقش، ەۋروپا، جاپونيانىڭ ءبىلىمىن الا بەرەدى. وسىلايشا، ديپلوم الىپ، وسىندا نەمەسە شەت ەلدە ءىسىڭدى جۇرگىزە بەرۋگە مول مۇمكىنشىلىك بار.

ەندى وسىنىڭ ءبارىن يگەرگەن ءموبيلدى جۇمىس جاسايتىن ادامدار زامانعا ناق قاجەتتىلەر سياقتى كورىنەدى. ءبىر جاعىنان، كۇن وتكەن سايىن زامان سونى تالاپ ەتەتىنى انىق.