عىلىم مەن تەحنيكا سالاسىنا قولداۋ ارتۋدا
عىلىم مەن تەحنيكا سالاسىنداعى ءال-فارابي اتىنداعى مەملەكەتتىك سىيلىعىن بەرۋ جونىندەگى كوميسسيانىڭ وتىرىسى ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ.
مەملەكەتتىك حاتشى قىرىمبەك كوشەربايەۆتىڭ توراعالىعىمەن قازاقستان رەسپۋبليكاسىنىڭ عىلىم مەن تەحنيكا سالاسىنداعى ءال-فارابي اتىنداعى مەملەكەتتىك سىيلىعىن بەرۋ جونىندەگى كوميسسيانىڭ قورىتىندى وتىرىسى ءوتتى.
اتالمىش مەملەكەتتىك سىيلىق عىلىمي جاڭالىقتار اشقان، جاڭا تەحنولوگيالار ويلاپ تاپقان عالىمدارعا، سونداي-اق عىلىمي-تەحنيكا جانە يننوۆاسيا باعىتىندا ناتيجەلى جۇمىس اتقارىپ، ەلىمىزدىڭ الەۋمەتتىك-ەكونوميكالىق دامۋىنا ايتارلىقتاي ۇلەس قوسقان ماماندارعا بەرىلەدى. 2021 جىلى ءال-فارابي اتىنداعى مەملەكەتتىك سىيلىققا ۇمىتكەر 16 جۇمىس كەلىپ تۇسكەن.
الدىن الا ىرىكتەۋدەن كەيىن ونىڭ 10-ى ەكىنشى كەزەڭگە وتكەن. وتىرىس قورىتىندىسى بويىنشا كوميسسيا اتالمىش مەملەكەتتىك سىيلىقتى بەرۋ ءۇشىن جۇمىستار تىزبەسىن بەكىتتى. ەندى ءال-فارابي اتىنداعى مەملەكەتتىك سىيلىعىن بەرۋ تۋرالى قازاقستان رەسپۋبليكاسى پرەزيدەنتىنىڭ ءتيىستى جارلىق جوباسى ازىرلەنەتىن بولادى.
اتاپ ءوتۋ كەرەك، ءال-فارابي اتىنداعى مەملەكەتتىك سىيلىق عىلىم مەن تەحنيكا سالاسىنداعى عالىمدار ءۇشىن ەڭ جوعارى ماراپات.